ل دهۆكێ چار كهس ژ ئێك خێزان بوونه قوربانى
باسنيوز:
شڤێدى ل رۆژا 28 سهر 29/5/2018 ل سهنتهرێ باژێرێ دهۆكێ رۆیدانهكا هاتن و چوونێ دروست بوویه و د ئهنجام دا 4 كهس بوونه قۆربانى.
ئازاد تەها، بهرپرسێ راگههاندنا رێڤهبهریا گشتى یا هاتن و چوونێ ل پارێزگهها دهۆكێ، بۆ (باسنیوز) پشت راستكر: ”شڤێدى ل رۆژا 28 سهر 29/5/2018 ل تاخێ(كۆچهران) ل دهمژمێر(1:00) ب شهڤ ل سهنتهرێ باژێرێ دهۆكێ رۆیدانهكا هاتن و چوونێ دروست بوویه و د ئهنجام دا 4 كهس بوونه قۆربانى و تا كو بریندار ڤهگوهاستینه نهخۆشخانێ گهنجهكێ ب ناڤێ (لوقمان محهمهد ئهمین) ژیانا خوه ژدهست دایه و سێ كهسێن دیتر ب گرانى بریندار بوونه كو خێزان و (2) كورێن وى ب گرانى بریندار بوونه“.
بهرپرسێ راگههاندنا رێڤهبهریا گشتى یا هاتن و چوونێ ل پارێزگهها دهۆكێ، ئهو چهنده ژى بۆ باسنیوز گۆت: ”ئهگهرێ رۆیدانێ نه پێگرى ب وان رێنمایان بوویه، ئهوێن ژلایێ مهڤه وهكو هاتن و چوون دهێنه دانان.لهزاتى و بهریكانا هاژۆتنا ترۆمبێلێ دناڤبهرا دوو ترۆمبێلان دا ژ جورێ (تهكسى و كامرى تایبهت) دا دروست بوویه و ترۆمبێلا (كامرى)ژ بن كۆنترۆلا شوفێرى دهركهفتیه و خوە ل ترۆمبێلهكا بارههلگر دایه و د ئهنجام دا ئهو رۆیدانا دلگران دروست بوویه“.
نهڤهشارت ژى، کو ئهو كهسێ گیانێ خو ژ دهست داى خهلكێ گوندێ (هزار جوته) یه ل سنورێ قهزا بهردهرهش و ههر شڤێدى تهرمێ وى بۆگوندێ وى هاتیه رهوانهكرن و ههڤژین و ههردوو كورێن وى ل بن كۆنترۆل و چاڤدێریا نۆژداران دایه.
تُتاح هذه الصورة أيضا في: کوردی