نۆژدارێن ئهمریكى خزمهتێن تهندروستى پێشكێشى ئاوارهیان دكن
باسنيوز:
تیمهكێ نۆژدارێ ئهمریكی یێ خۆبهخش خزمهتێن تهندروستی پێشكێشی نهخۆشان كرن ل كهمپا ئێسیان و هژمارهكا زۆر یا دهرمانان پێشكێشى وان كرن و نێزیكى 500 پشكنینان ژى ئهنجام دان.
سالم سهعید، بهرپرسێ راگههاندنا بۆردێ كارۆبارێن مرۆڤایهتى ل پارێزگهها دهۆكێ بۆ (باسنیۆز) دیار كر، ب ئارمانجا زێدهتر گههاندنا خزمهتێن ساخلهمی و خۆشكرنا ژیانا ئاواران، تیمهكێ نۆژدارێن ئهمریكی ب ئاوایهكی خۆبهخش خزمهتێن تهندروستی پێشكێشی ئاوارێن كهمپا ئێسیان كرن و ئهڤ تیمه ب هاریكاریا رێكخراوا (Habibi International & Opertion Mercy) ب ههڤكاری دگهل كارگێریا كهمپا ئێسیان هاتینه.
سالم زێدهتر دبێژیت: ب رێیا تیمهكی نۆژدارێن ئهمریكی كو تایبهتمهند بوون ب نهخۆشیێن دل و هناڤا و نهخۆشیێن دهروونی و نهخۆشیێن زارۆیان ب مهرهما ئهنجامدانا پشكنینا بۆ ئاوارێن كهمپێ بۆ ماوێ چار رۆژان، تیما نۆژداران پشكنین بۆ ٥٠٠ ئاوارێن كهمپێ ئهنجام دان ژ مهزن و زارۆكان ههردۆ رهگهزان و د ههمان دهم دا دهرمان پێشكێش كرن. ئارمانجا ڤی كارێ خۆبهخش پتر چارهسهركرنا نهخۆشیانه و خۆشكرنا رهوشا ئاوارانه.
تُتاح هذه الصورة أيضا في: کوردی