بەرپرسێ بنگەهێ لالش:دخوازین رێكخراو پرۆژەیێن كاری بۆ ئاواران ل شاریا ڤەكن
تۆرا لالش یا راگەهاندنێ
بەرپرسێ بنگەهێ لالش ل شاریا دیاركر كو نێزیكی(25)هەزار ئاوارێن شنگالێ ل دەرڤەی كەمپێ ل ناڤ كۆمەلگەهێ و گوندێن دەوربەر ئاكنجی نە،رێژەیەكا وان هەژارن و پێتڤی هاریكاریێن مادی نە و دخوازین رێكخراو پرۆژەیێن مەزن یێن كاری بۆ ئاواران ڤەكن.
(دلگەش سەلیم)بۆ رۆژناما دەنگێ لالش خویاكر،ئەڤ ئاوارێن ل ناڤ كۆمەلگەهێ و گوندێن دەوربەر درەوشا ئابووری ودەروونی یا لاواز دا دژین و باری وان گەلەك یێ تێكچۆیی و رەوشا وان ب گشتی هەتا رادەكی یا باشە،بەلێ هەژار ژی یێن دناڤ وان دا هەین و پیتڤی هاریكاریێنن مادی نە،یا فەربوو ریكخراو یان جیەكی ئامارەكا راست لسەر ڤان هەژارا چێكت كو پتر خۆ ل وان بكەنە خودان،دناڤ ڤان هەژاران كەسێن بێ دەیك و باب و نەخۆش یێن هەین پێ چێنابت نەخۆشیا خۆ چارە بكن،لەورا دخوازین رێكخراو پرۆژەیێن مەزن یێن كاری وەك دارتاشی و ئاسنگەری و جوانكاری و كارگەهێن شریناهیان و هتد،بۆ ئاواران ڤەكن و بەرهەمێن وان هاتبان فرۆتن دا مفا ژ وی داهاتی وەرگرتبان یێ ب دەست دكەڤت.
ئاماژە ب وێ چەندێ دا ئاوارە پێتڤی دەلیڤێن كاری نە بۆ بێنە پەیداكرن ژئالیێ رێكخراوان ڤە و پتر گرنگیێ بدەنێ.
تُتاح هذه الصورة أيضا في: کوردی