لژێر چاڤدێریا بەرێز”شێخ شامۆ” فیستەڤالا شنگال یا فلكلۆری و هۆنەری هاتە گێران
تۆرا لالش یا راگەهاندنێ/شاریا
لژێر چاڤدێریا بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،بنگەهێ لالش تایێ شنگال و نڤیسینگەهێن بسەرڤە ب هەڤكاری دگەل تیپا گرعزێر یا هۆنەرێ شانۆیێ فیستەڤالا شنگال یا فلكلۆری و هۆنەری گێران.
ئیرۆ رۆژا شەمبوویێ 30ی حوزەیرانا 2018ێ، ل هۆلا لالش ئێك ل كۆمەلگەها شاریا ب ئامادەبوونا بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ و بەرێز”قادر قاچاغ”بەرپرسێ لقێ 17یێ پارتی دیموكراتی كوردستان و بەرپرسێن فەرمانگەهێن حكومی و ئەمنی ل دەڤەرێ و جەماوەرەكی زۆر، فیستەڤالا شنگال یا فلكلۆری و هۆنەری هاتە گێران.
ل دەستپێكا فیستەڤالێ ئامادەبوویی خۆلەكەكێ لسەر گیانێ جانگۆریێن كورد و كوردستانێ سەكنین،لدوڤ دا پەیڤا فیستڤالێ و پەیڤا بەرێز”شێخ شامۆ” و پەیڤا نوونەرێ هۆزانڤان و هۆنەرمەندان هاتنە پێشكێشكرن.
دبرگەیەكا دی یا فیستەڤالێ دا كورتە فلمەكێ دكیۆمێنتی لسەر فلكلۆرێ شنگالێ هاتە نیشاندان،پاش تابلۆیەكا شاهیا شنگالیا ژبال تیپا گرعزێر ڤە هاتە پێشكێشكرن.
ژلایەكی دی ڤە سمینارەك ژ ئالیێ بەرێز”سەعید جردۆ”لسەر فلكلۆرێ شنگال و هۆنەرمەندێن شنگالێ ڤە هاتە پێشكێشكرن.
پاشی برگەیا سترانا فلكلۆرێ شنگالێ كو كۆمەكا هۆزانڤان و سترانبێژێن شنگالێ تێدا پشكداربوون هاتە سازدان.
ل داویا فیستەڤالێ ئەندامێن تیپا گرعزێر یا هۆنەرێ شانۆیێ ژبال لقێ 17ڤە و هۆنەرمەند ژئالیێ سەرۆكێ دەستەیا بلندا بنگەهێ لالش ڤە هاتنە خەلاتكرن.
تُتاح هذه الصورة أيضا في: کوردی