تورکیا: دێ پشتی دەمەکی ژ عەفرینێ دەربکەڤین
WAAR-دهۆك:
پەیڤدارێ وەزارەتا دەرڤە یا تورکیا دیار کر کو ئەو دێ پشتی دەمەکی سوپایێ خوە ژ عەفرینێ ڤەکێشن و عەفرینێ رادەستی جڤاتا لۆکال بکەن.
مەھدی ئاکسۆی، پەیڤدارێ وەزارەتا دەرڤە یا تورکیا د داخویانییەکا رۆژنامەڤانی دا راگەھاند: ئەوان ئارمانجێن خوە ل عەفرینێ بجھـ ئیناینە و دژمنێن خوە ژناڤ برینە، زێدەتری سەد و چل ھزار ئاوارەیان ڤەگەراندینە جھێن وان، جڤاتەک ژ عەرەب، کورد و تورکمانان بۆ رێڤەبرنا وێ پێکئینایە و دێ ئاساییش و لەشکەری رادەستی وێ جڤاتێ بکەن.
ئاکسۆی گۆت ژی: پشتی ئەو ئاساییش و لەشکەری رادەستی جڤاتا عەفرینێ دکەن، دێ ئارتێشا خوە پشتی دەمەکی ژێ ڤەبکێشن و عەفرینێ بۆ عەفرینییان ب خوە بجھـ بھێلن.
تُتاح هذه الصورة أيضا في: کوردی