كەمپینا ژێبرنا دروژمێن داعش ل شنگال دەست پێ كر
تۆرا لالش یا راگەهاندنێ
گرۆپەكی خۆبەخشێن ئێزدیا ژ هەردوو رەگەزان ل ناوچەداریا سنوونێ ل قەزا شنگال،دەست ب كەمپینا (بالیۆزێن هیڤیێ)بۆ ژێبرنا دروژمێن داعش نڤیسین لسەر دیوار و جادە و مال و فەرمانگەهێن حكومی كر.
دڤی دەربارەی دا(ساهر میرزا هەسكانی)ئێك ژ دەست پێشخەر و ئەندامێن ڤێ كەمپینێ یە بۆ رۆژناما دەنگێ لالش خویاكر،ئەم كۆمەكا خۆبەخشان ژ(30) كچ و كوران ژ وێنەكێش و باشنڤیسان پێك دئێت،بەریا چەند رۆژان ل دەڤەرا سنوونێ دەست ب كەمپینا(بالیۆزێن هیڤیێ) كر و هەموو گوند و كۆمەلگەهێن شنگال ب خۆڤە دگرت،ئەم پێكۆلێ دكەین هیڤیەكێ ل نك وەلاتی و زارۆكان و كۆمەلگەهێ ب گشتی پەیدا بكەین، ژبەركو ئەم كارن ڤەگوهاستنەكێ ژ جیەكی بۆ ئێكی دی وەك بالیۆزێن پیادە بكەین و ئارمانجا مە ئەوە چاندنا هیڤی وگرنژینێ یە لسەر دێمێن خەلكێ شنگالێ،ل دەستپێكا كەمپینێ ئەم رابووین ب چێكرنا وێنە و بۆیاغكرنا دیواران وەكو پێنگاڤا ئێكێ یە و گۆت:((هندەك پرۆژێن دی ل داهاتی هەنە وەك پاقژكرنا جادەیان و چاندنا داران…هتد ل گەلەك كۆمەلگەهێن شنگالێ)).
هەسكانی ئەو چەندە ژی ئاشكەراكر،داخوازێ ژحكومەت و رێكخراوێن مرۆڤی دكەین پشتەڤانیێ پێشكێشی مە بكن داكو لسەر ڤێ كەمپینێ دبەردەوامبین،هەروەسا ژ خێرخوازان ژی دخوازین دەستێ هاریكاریێ درێژ بكن بۆ پشتەڤانیا كارێ مە.
تُتاح هذه الصورة أيضا في: کوردی