ل شنگال گەنجەك دبتە قوربانيێ پەقینا مینەكا تیرۆرستان
باسنيوز:
ئەندامەكێ جڤاتا قەزا شنگال دیاركر كو سپێدەهیا ئەڤرۆ ل قەزا شنگال مینەكا چاندی ب كەسەكێ 30 سالیێ ڤە هاتە پەقاندن، دەم ل دەست گیانێ خوە ژدەست دا.
خەیری زیبان، ئەندامێ جڤاتا قەزا شنگال بۆ(باسنیوز) دیاركر: “ئەڤرۆ رۆژا دوو شەمبیێ 23/7/2018 گەنجەكێ ب ناڤێ ( ئیبراهیم قولو) یێ تەمەن 30 سالی ژ هوزا فقیرا، هەولددەت سەرا خانیێ خوە بدەت ل دەڤەرا سكینێ قەزا شنگال، بۆ دیتنا خانی دچیتە ناڤ مالێ دا لێ مینەكا چاندی یا تیرۆرستێن داعش پێڤە دهێتە پەقاندن وگیانێ خوە ژ دەست ددەت.
خەیری زیبان گۆت: مین ل سەر دەستێن تیرۆرستێن داعش ل تەباخا سالا 2014ێ هاتبوو دانان هەتا نۆكە نەهاتبوو پاقژكرن. ئەڤە چەندین حالەتێن پەقینا خانیان ب وەلاتیان ڤە ل دەڤەرا شنگال پەیدا بوون”.
خویا ژی كر:” گەلەك كەس دچن سەرەدانا مالا خوە دكەن، تووشی ڤان روودانێن دلتەزین دبن چونكو هەتا نۆكە خانیێن وەلاتیان ل شنگال بتایبەتی ژی ل قوبیلەتێ شنگال ژ مینێن تیرۆرستێن داعش نەهاتینە پاقژكرن”.
تُتاح هذه الصورة أيضا في: کوردی