وەزارەتا پەروەردا عێراقێ كەرتێ خووندنێ ل شنگال پشتگوهـ هاڤێتیە
تۆرا لالش یا راگەهاندنێ
مامۆستایێن قەزا شنگال ئاماژێ ب وێ چەندێ ددەن كو وەزارەتا پەروەردەیا عێراقێ چ پووتێ ب قوتابخانێن شنگالێ نادەت و پشتگۆهاڤێتینە،دخوازین پتر پووتە ب كەرتێ خووندنێ بێتە دان.
مامۆستا(ناجی حەجی)ئاشكەراكر،وەزارەتا پەروەردەیا عێراقێ چ پووتێ ب قوتابخانێن شنگالێ نادەت و پشتگۆهاڤێتینە،پێتڤی بوو دەستەیێن مامۆستایان هاتبانە زێدەكرن و پەرتۆك بۆ قوتابیان هاتبانە دابینكرن،ل دەمەكی كو مامۆستا و پەرتۆك نەبن قوتابی دێ چاوان كارت ئەنجامان بدەست خۆڤەبینت،داخواز دكەین چاڤێ هەموو لایەنا ل قوتابیان بت و ب تایبەت یێن شنگال و پێتڤیێن وان بێنە دابینكرن.
هەروەسا مامۆستا(خەلەف حەیدەر)دیاركر،پێتڤیە هەموو تشت لبەر چاڤ بێنە وەرگرتن و چ بریار لسەر مامۆستای نەئێنە دان،ژبەركو هەموو جاران سەرنەكەفتنا قوتابیان نە ژئەگەرێ مامۆستایی یە،ماموستا هەموو هێز و شیانێن خۆ تەرخان دكن داكو قوتابی ب باشترین شێوە خووندنا خۆ ب رێڤەببەن،پتریا قوتابیێن شنگال دماوەیەكی هەستیار را دەرباس دبن و پاشمایێن ئاوارەبوونێ و زیانێن وێ یێن دەروونی ددیارن كو كارتێكرن ل قوتابیان كریە،ئەڤجا دخوازین پتر پووتە ب كەرتێ خووندنێ بێتە دان و مامۆستا بێنە زێدەكرن و پێتڤیێن خووندنێ بۆ قوتابخانێن دەڤەرا شنگال بێنە دابینكرن،داكو ل سالا بێت قوتابی ئەنجامێن باش بدەست خۆڤە بینن.
تُتاح هذه الصورة أيضا في: کوردی