ئەمریکا: دەڤەرێن ئێزدیان ئێمن نینن

ئەمریکا: دەڤەرێن ئێزدیان ئێمن نینن
WAAR-دهۆك:

بالیۆزێ ئەمریکا بۆ ئازادییێن ناڤدەولەتی یێن ئۆلی راگەھاند؛ دەڤەرێن کوردێن ئێزدی ل ئیراقێ ئێمن نینن و چارەنڤیسێ ب ھزاران ئێزدیان د دەستێن داعشێ دیار نینە.
سام براونباک د داخویانیەکێ دا ئەڤرۆ راگەھاند؛ ھژمارەکا ئاستەنگان ھمبەری دەڤەرێن کوردێن ئێزدی ھەنە و ھندەک ژ وان گرێدای ئەمن و ئاساییشێ نە و گۆت: ئێمناھییا وان دەڤەران یا خاڤ و سستە.
بەری چەند رۆژان سام براونباک ب فەرمانا جێگرێ سەرۆکێ ئەمریکا سەرەدانا ھەرێما کوردستانێ کر بوو، دا میکانیزمەکێ دوور ژ نەتەوەیێن ئێکگرتی بۆ ھاریکاریا پێکھاتەیێن ئۆلی و نەتەوەیی یێن تەپەسەر ببینن.
براونباک ئاشکرا کر، شاندێ وان د گەل سەرۆکوەزیرێن ئیراقێ ل دۆر وێ پرسێ کۆم بووینە، سەرکردایەتیا سەربازی ژی پشتەڤانیێ ل وێ پلانێ دکەت.
بالیۆزێ ئەمریکا بۆ ئازادییێن ناڤدەولەتی یێن ئۆلی راگەھاند ژی؛ ھێشتا چارەنڤیسێ ب ھزاران وەلاتیێن کوردێن ئێزدی دیار نینە و دبیت داعشێ ل جھەکێ دی ئەو کەس کربنە کۆلە و دبیت ل سووریێ بن.

تُتاح هذه الصورة أيضا في: کوردی