بیرەوەریا چارێ یا جانگۆريا ئێزدی جیلانێ هاتە ساخکرن
ئەڤرۆ نیوز:
ئەڤرۆ دو شەمبی 20/8/2018 ل کەمپا کەبەرتوو2 دچالاکیەکێ دا شەمالک بۆ گیانێ شەهید جیلان برجس هاتن هەلکرن.
ل چالاکیەکێ دا ئەڤرۆ رۆژا شەهیدبوونا کچا ئێزدی یا خوە کریە قوربانیا دین و ئیمانێ ژبال کۆمەکا گەنجان و ب هاریکاریا قوتابخانا کانیا سپی ل کەمپا کەبەرتوو2 هاتە ساخكرن و ل وێ چالاکیێ دا وێنەیێن جیلانا شەهید ژبال بەشداربوویان ڤە هاتبوون بلندکرن و شەمالک ژی بۆ گیانێ وێ هاتن هەلکرن.
دهێتە زانین کو جیلان برجس نایف ئەو کچا ئێزدی یە کو ل دەما هێرشا چەکدارێن داعشێ بۆ سەر دەڤەرا شنگالێ و رەڤاندنا هژمارەکا مەزن ژ کچ و ژنان کەفتبوو دەستێ وێ رێکخراوا تیرۆرستی و ژبۆ پاراستنا ئۆلا خوە و ب دەست بەرنەدانا شەرف و نامووسا خوه بدەستێ داعش ڤە، وێ کچێ رهێن دەستێ خوە بڕین و خوە کرە قووربانا ئۆل و ئیمانێ و نەهێلا داعش دەستدرێژیێ ل سەر بکەت.
تُتاح هذه الصورة أيضا في: کوردی