بەرپرسەکێ حوکمەتێ: بڕیارا دەستەسەرکرنێ بۆ ھژمارەکا وەبەرئینەران دەرکەفتیە
ئهڤرۆ نيوز:
بەرپرسەکێ حوکمەتا ھەرێما کوردستانێ ئاشکرا کر، ل سەر ئاستێن بلند کار بۆ چارەسەرکرنا ئاریشێن کەرتێ وەبەرئینانێ یێ دھێنەکرن و دبێژیت: ژ لایێ سەرۆکاتیا جڤاتا وەزیران ڤە لیژنەکا بلند بۆ ڤێ مەرەمێ ھاتیە پێکئینان و بڕیارا دەستەسەرکرنێ بۆ ھژمارەکا وەبەرئینەران دەرکریە.
تاھر عەبدولا، جێگرێ پارێزگارێ ھەولێرێ بۆ رۆژناما ئەڤرۆ دیار کر کو ل سەرۆکاتیا جڤاتا وەزیرێن ھەرێما کوردستانێ لیژنەکا بلند پێک ئینایە بۆ ئەڤان پڕۆژێن وەبەرئینانێ یێن ئاریشە تێدا ھەی کو ھەتا نوکە نەھاتینە تەمام کرن و گۆت: “ژ بەرکو ل سالێن بۆری ھژمارەکا زۆرا پڕۆژێن وەبەرئینانێ ھاتینە دەستپێکرن و پشتی بۆرینا چەندین سالا ھێشتا نەھاتینە تەمام کرن، ب تایبەتی ئەڤ پڕۆژێن ئاکنجیبوونێ یێن پەیوەندی ب وەلاتیانڤە ھەی، ناھێتە ڤەشارتن مافێ ھژمارەکا زۆرا وەلاتیان ھاتیە خوارن و ھاتینە بێ بەھرکرن ل یەکەیێن ئاکنجیبوونێ”.
تاھر عەبدولای ئاماژە ب وێ چەندێ ژی کر کو ئەڤ لیژنا بلند نوکە یا کار دکەت و بڕیارا دەستەسەرکرنێ ژی بۆ ھژمارەکا وەرئینەران دەرکریە و گۆت: “ل سەر ئاستێن بلند کار یێ ل سەر بابەتێ وەبەرئینانێ دھێتەکرن، دەستەیا وەبەرئینانێ و لیژنا بلند دێ پێداچوونێ د ئەڤان پڕۆژان دا کەت و مافێ وەلاتیان دێ ھێتە ڤەگەڕاندن، بزاڤێن زۆر یێ دھێنەکرن و حوکمەت دێ بەردەوامبیت ل سەر پێڕابوونێن خوە ھەمبەری ئەڤان وەبەرئینەرێن خەمساری د پڕۆژەیێن خوە دا کری”.
تُتاح هذه الصورة أيضا في: کوردی