كه‌ل و په‌لێن شه‌رێ جیهانى یێ ئێكێ ل شێخان دئێنه دیتن
باسنيوز:
تیمه‌كا زانكۆیا (ئه‌ودنى) یا ئیتالى پشتى سێ سالان لێكۆلین ل سه‌ر چه‌ند پارچێن شوونوارى ل قه‌زا شێخان كرین، هنده‌ك كه‌ل و په‌لێن شوونوارى یێن شه‌رێ جیهانى یێ ئێكێ دهێنه دیتن.
محه‌مه‌د عارف، سه‌رپه‌رشتێ شوونوارێن قه‌زا شێخان، بۆ (باسنیوز) دیار كر، تیمێ ئیتالى ماوێ سێ سالانه ل قه‌زا شێخان لێكۆلینێ ل سه‌ر جهێن شوونوارى دكه‌ن و ب تایبه‌ت ل سه‌ر جهێ شوونوارى (گرێ تلجومل) كو دكه‌ڤیته نحیا كه‌له‌كچى و پشتى لیكۆلینێ ئاشكربوویه كو هنده‌ك ژ وان شوونواران یێن شه‌رێ جیهانى یێ ئێكێ نه و هنده‌ك شوونوار ژى بۆ سالێن 331 پێش زاینى ڤه‌دگه‌رن.
ئاشكرا ژى كر، كو تیما ئیتالى هنده‌ك شوونوار ڤه‌دیتینه كو د شه‌رێ (گوگا مێلا) دناڤبه‌را ئه‌سكه‌نده‌رێ مه‌قدونى و داریوسى بۆ سالێن 331 پێش زاینى ڤه‌دگه‌رێت بۆ ئێكه‌م جار ڤى شه‌رى ل ڤى گرێ تلجومل دروست ببوو و گۆتیشى: گه‌له‌ك جهێن شوونوارى ل قه‌زا شێخان هه‌نه، هه‌تا نها ژى گه‌له‌ك جه ماینه لێكولین ل سه‌ر نه‌هاتیه كرن و پێدڤیه كار بهێته كرن دا ئه‌ڤ شوونواره نه‌هێنه به‌رزه‌كرن.
تُتاح هذه الصورة أيضا في: کوردی