بنگەھێ ھاوار یێ پشتەڤانیا دەروونی و فێربوونێ ل کەمپا قادیان ھاتە ڤەکرن
بورها:
ب ئارمانجا بتر گەھاندنا ھاریکاریان و ب تایبەت بۆ رزگار بویێن دەستێ داعش، بنگەھێ ھاوار یێ پشتەڤانیا ئافرەتان ل کەمپا قادیان ھات ڤەکرن.
ب ئامادەبوونا ژمارەکا رێ سپی یێن کوردێن ئیزدی و ستافێ بۆردێ کاروبارێن مرۆڤایەتی و رێڤەبەرێ کەمپا قادیا، ل رێکەفتی ١٣/٩/٢٠١٨ بنگەھێ ھاوار یێ پشتەڤانیا دەرونی و فێربوونێ ل کەمپا قادیان ھات ڤەکرن.
رێ و رەسمێن ڤەکرنا بنگەھێ ھاوار ب چەندین چالاکیان و پەیڤان ھاتن ڤەکرن، ل دەست پێکێ خانم دۆزن تاکال سەرپەرشتا بنگەھێ ناڤبری پەیڤەک پێشکێشکر و ئاماژە دا کو بنگەھێ وان دێ فێربوونێ و ھاریکاریێن دەرونی پێشگێشی ئافرەتان کەن و ب تایبەت رزگاربوویێن دەستێ داعش، نیزیکی ٨٤٠ ئافرەتان دێ ژ بنگەھێ وان مەفاداربن.
دیسان دیارکر کو پشتەڤانیەکا راستەوخۆ یا حکومەتا ئەلمانی ل بنگەھی دھێتە کرن، پاشی چەندین پەیڤ دیتر ھاتن گۆتن ژلایێ رێڤەبرێ کەمپێ و کەسایەتیێن کوردێن ئیزدی.
تُتاح هذه الصورة أيضا في: کوردی