حەشدا شەعبی نەهێلا ئێزدی پشکداری جەژنەکا خۆ بن
شنگال-KDP.info-
چاڤکانیەکی ژ شنگالێ ڕاگەهاند، حەشدا شەعبی نەهێلا ئێزدییێن شنگالێ پشکداریێ د جەژنەکا خۆدا بکەن ل شنگالێ.
حەشدا شەعبی پشتی خیانەتا ١٦ـی ئۆکتۆبەرێ چەندین نافچەیێن دی ژی داگیرکرن، و شنگال ئێک ژ وان نافچەیان بوو و وەک شنگالێ ددەنە خویاکرن حەشد شەعبی هەموو جۆرە پێشێلکاریان دکەت.
وی چاڤکانی بۆ ماڵپەرێ فەرمییێ پارتی دیموکراتی کوردستان گۆت: ”جەژنا جەمایا ”پیرێ ئەورا” ل شنگالێ هاتە گێران و ژمارەیەکا زۆر یا ئێزدییان دڤیان پشکداریێ د ڤێ جەژنێ دا بکەن بەلێ حەشدا شەعبی نەهێلان و ئەڤێ یەکێ ژی بوویە جهێ دلگرانیا خەلکێ شنگالێ.
هێشتا گۆتژی: ”ژبەرکوو ئەڤ جەژنە هەم بۆ خەلکێ شنگالێ و هەم بۆ ئێزدییان ب گشتی دگرنگن بەلێ حەشدا شەعبی بوویە ئەگەر کو ژمارەیەکا مەزن یا ئیزدییان بێ بەهر بن ژ ڕی و رسمێن خۆ یێن ئۆلی.”
چەندین جاران حەشدا شەعبی بوویە ڕیگر کو ئێزدیین شنگال و هەروەسان یێن ئاوارە یێن دناڤ کەمپاندا ژ ڕی و رسمێن خۆ یێن ئۆلی بێ بەهربن.
تُتاح هذه الصورة أيضا في: کوردی