ئەیاد عەللاوی: گۆتارا بارزانی نامه‌یا ئاشتی و برایه‌تیێ بوو
WAAR-دهۆك:
سەرۆکێ ئیتیلافا وەتەنییە ئەڤرۆ پشتەڤانییا خوە بۆ گۆتارا سەرۆک مەسعوود بارزانی دیار کر و راگەھاند؛ ئەو د گەل بۆچوونا بارزانی یە کو دۆزا کوردی ب چەکی چارە نابیت.
ئەیاد عەللاوی د بەیانەکێ دا راگەھاند؛ گۆتارا سەرۆک بارزانی یا داویێ کو داخواز ژ پەرلەمانتارێن کورد کری، بەرگرییێ ژ مافێن ھەموو ئیراقییان بکەن و ببنە پشتەڤان بۆ ئازادییا بۆچوونێن سیاسی و ئۆلی و مەزھەبی، درێژکرنا دەستێ ئاشتییێ و برایەتیێ یە.
عەللاوی دوپات کر، دۆزا کوردی ب شەری چارە نابیت، بەلکو ب دانوستاندن و لێکتێگەھشتنێن ھەڤپشک و ل سەر بنەمایێ رێزگرتنێ دێ چارە بیت.
عەللاوی سلاڤ بۆ گەلێ کوردستانێ ھنارتن و ھیڤیخواستن ھەلبژارتنێن ھەرێمێ ب شێوەیەکێ پاک و زەلال بھێنە کرن و گەلێ کوردستانێ نوونەرێن راستەقینە ھەلبژێرن.
تُتاح هذه الصورة أيضا في: کوردی