دەرگەهێ ئەندامبوونێ ل بنگەهێ لالش هاتە ڤەكرن
تۆرا لالش یا راگەهاندنێ
ل گشت تایی و نڤیسینگەهێن لالش،دەرگەهێ ئەندامبوونا نوو بۆ دەرچۆیێن ئامادەیی و پێهەل دا هاتە ڤەكرن.
بەرپرسێ لژنا رەوشەنبیری ل دەستەیا بلندا بنگەهێ لالش ل دهۆكێ(شەمۆ قاسم)بۆ رۆژناما دەنگێ لالش دیاركر،ل دوو كۆمبوونێن بۆری یێن دەستەیا بلند بریار هاتە دان هەموو تایی ونڤیسینگەهێن لالش تۆمارێن ئەندامبوونێ نووژن بكن وبزانن چەند ئەندامێن راستەقینه ماینە و دەرگەهێ ئەندامبوونا نوو هاتە ڤەكرن،لدوڤ رێنمایێن پەیرەو وپرۆگرامێ بنگەهێ لالش دڤێت ئەو كەسێ دبتە ئەندام ئێزدی بت و دەەرچۆیێ قۆناغا ئامادەیی و پێهەل دا بت و تەمەنێ وی ژ(18)سالان پتر بت و خودان رەوشتەكی باش بت و نەهاتبتە زیندانكرن،هەر كەسێ بڤێت پێشكێش بكت دڤێت سەرەدانا نێزیكترین تایی یان نڤیسینگەهێن بنگەهێ لالش بكت و وێنەكی لگەل خۆ ببەت و دێ فۆرمەكێ لدۆر زانیاریێن كەسایەتی تژی كت.
ئاماژە ب وێ چەندێ دا پشتی ئەندامبوونێ ب شێوەیەكی فەرمی وی كەسی ماف هەیە ناسناما بنگەهی وەرگرت و كۆبوونێن خۆ بدەت ودێ پشكداربت ل كۆنگرێ داهاتی یێ بنگەهێ لالش دا.
تُتاح هذه الصورة أيضا في: کوردی