سالڤەگەرا رۆژناما دەنگێ لالش ب چەندین چالاكیان هاتە ساخكرن
تۆرا لالش یا راگەهاندنێ/دهۆك
چاردەمین سالڤەگەرا دامەزراندنا رۆژناما دەنگێ لالش،ب چەندین چالاكیێن جۆرا و جۆر ل هۆلا بنگەهێ لالش ل دهۆكێ هاتە ساخكرن.
ئیرۆ رۆژا شەمبوویێ 13ی ئوكتۆبەرا 2018ێ ب ئامادەبوونا بەرێز” شێخ شامۆ “سەرۆكێ دەستەیا بلندا بنگەهێ لالش و ژمارەكا نڤیسكار و ستافێ رۆژنامێ و پەیامنێران،چاردەمین سالڤەگەرا دامەزراندنا رۆژناما دەنگێ لالش ب چەندین چالاكیێن جۆرا و جۆر هاتە ساخكرن و شەمالكا پازدێ هەلكر.
ل دەستپێكێ بەرێز”شەمۆ قاسم”سەرنڤیسكارێ رۆژناما دەنگێ لالش بخێر ستافێ رۆژنامێ كر و كورتیەك دا سەر رۆژنامێ.
هەر بڤێ هەلكەفتێ روونشتنەكا ڤەكری بۆ پتر پێشداچۆنا رۆژنامێ بۆ پەیامنێران هاتە سازدان.
ل داویێ رێز ل ستافێ رۆژنامێ وچەندین نڤیسكارێن بەردەوام پشكداریێ درۆژنامێ دا دكن هاتە گرتن.
رۆژناما دەنگێ لالش زمانحالێ دەستەیا بلندا بنگەهێ لالش یێ رەوشەنبیری و كۆمەلایەتی یە ل دهۆكێ،ل رێككەفتی(12/10/2004)ێ ئێكەم ژمارە ژێ دەرچۆیە و هەتا نهۆ ب هەردوو زمانێن كوردی و ئەرەبی بێ سەكناندن یا بەردەوامە لسهر وهشاندنێ.
تُتاح هذه الصورة أيضا في: کوردی