ئاری بدە نانپێژی بلا نانەك زێدە بت
خالد ئەحمەد بادی 
پرسیار ژ ئیمام عەلی هاتە كرن و گۆتێ ئەی عەلی یێ كورێ ئەبو تالبی ئەو تشتێ بۆ مللەت وگەلان نەباش بت و یێ خراب بت چیە،هزرا خۆ كر و گۆتێ سێ تشت بێنە كرن بۆ مللەتان خرابە و مللەت دكەڤنە دئاراستەیا پاشكەفتنێ دا،ئەڤ كارێن شاش كو خرابیێ و شاشیێ بگەهیننە هەر مللەتەكی ئەو ژی ئەڤە نە،یێ ئێكێ دەمێ یێ بچووك دداننە جیێ یێ مەزن و یا دووێ ئەوە دەمێ یێ نەزان دداننە جیێ یێ زانا و رەوشەنبیر وزیرەك و یا سێیێ ئەوە كو دەمێ یێ دویڤەلانك ولەگلەگی ددانە دجیێن سەركردەكرنێ دا،هەر دیسا گۆتن دئێن و ئێك ئێكێ دكێشت ئاشی ژی ئاڤ وكوتەل وبەرئاش ودەخل و دان دڤێت و ئەگەر هەموو هاتن بێگۆمان ئاشڤانەكێ زیرەك وچەلەنگ ژی دڤێت،هەر دیسا باغی ئاڤ وئاخ وشتل وتۆڤ وگول دڤێت و ئەگەر گول وبەرهەم نەبت بێگومان باغەڤانەكێ شارەزا وزیرەك ودلسۆز دڤێت،ل ڤێدەرێ پرسا مە و بابەتێ مە لسەر وێ چەندێ یە كو ل پتریا وەلاتێن جیهانێ و ب تایبەت ل ئاسیا و وەلاتێن دكەڤنە ل رۆژهەلاتا ناڤین كو سیستەم ب دروستاهی نائێتە پەیرەوكرن و پتریا هەولێن وانان لادان و ژ پشتگوه هاڤێتنا سیستەمی یە و ئەگەر سیستەمەك گونجاو بۆ ئیدارەكرنێ بێتە دانان وبێتە ئەنجام كرن و هەر كەسەكێ ژ هەژی بۆ جیێن هەژی بێنە دانان و دامەزراندن،هەر سەرهاتی وچیرۆكەك ژ بۆشاتیێ نەهاتیە ئەگەر توو چ ناپێژی ونانڤانیێ نە زانی دێ بۆچی خۆ دبەر هندێ راكەی توو كارێ خۆ بكە و ئەو ژی دێ یێ بكاربت چنكو تایبەتمەندی زۆر یا گرنگە بۆ ڤان پرسا و ئەگەر توو وی كاری نەكەی یێ تایبەت بتەڤە گرێدایی بێگومان شاشی دێ كەڤتە دسیستەمی دا و دێ هەر دوولا زەرەرمەندبن،زۆر جاران و ل پتریا وەلاتان كەس كارزانیا خۆ ناهێلت چنكو خێر ژێ دیتیە و بۆ دەهان بابكان هەر وێ كارزانیێ دكن و هەتا نەڤی ونفشێن وانان ژی هەر وی كاری دكن ئەگەر خۆ رەوشا وان یا ئابووری باشتر ژی لێ هاتبت،ئەڤ مانشێتێ لسەری دیار و رۆن دكت هەر كەسەك دناڤ كۆمەلگان دا بلا كار وتایبەتمەندی یا خۆ بكت فەرمانبەر بلا فەرمانبەراتیا خۆ بكت و هەروەسا نۆژدار وئەندازیار ومامۆستا وكارگۆزار وكارمەند وپالە وسیاسی وهۆنەرمەند ومیدیاكار ونانپێژ وبەربەر وقوتابی ولەشكەر و پێشمەرگە ومۆزیكژەن وئاسنگەر و دارتاش وكارساز ونژیار وجۆتیار وهتد..،ئەگەر هەر ئێك ژڤان كارێ خۆ بكت دێ دئالیێ ئابووری دا زۆر باشتر بت و دئالیێ رێنمایی ژی باشتر بت و دێ كار ئاسانتر لێ ئێن ودەم ژی دێ پتر بۆ وانان مینت لێ ئەگەر هەر ئێك ژڤان كارێ خۆ نەكر وهەر ئێك چوو كاروبارێن دی ئەنجام بدەت بێگۆمان دێ باشتر برێڤەچت بۆچی دێ رێ ل پێشكەفتنێ ئێتە گرتن و دێ سیستەم ئێتە تێكدان،ل پتریا وەلاتان ماف دئێنە خوارن و ماف دئێنە بەرزەكرن چنكو ب تەمامی ودروستاهی كەس وی كاری ناكت یێ كو وی دڤێت لێ هندەك جاران ژی پێتڤیا برێڤەبرنێ چاوایە وسیستەمێ ژیانێ ب رێیێن راستە راست دئێنە برێڤەبرن و ئەگەر نە دێ ئەنجام دئاراستەیا شاش دا برێڤەچن،ل داویێ ب فەر دبینم كو هەكە كار بێنە سیستەمكرن دێ كار ئێتە دابەشكرن و هەر كەسەك دێ ب ئەركێن خۆ رابت و ئەگەر ب ئەركێن خۆ رابوو و ئەنجام دان،بێگۆمان دێ مافێن وی ژی بدروستاهی گەهنێ،لەوما دبێژم بلا ئار بۆ نانپێژی بت بلا نانەك زێدەبت ئانكو هەكە تە كارێ خۆ دا دەستێ تایبەتمەند دێ كارێ تە باشتر كت و چ لەنگی یا نائێختە دناڤ هەر پرۆسەیەكێ دا.
تُتاح هذه الصورة أيضا في: کوردی