پێكهاتەیێن دەشتا مووسل داخوازا ڤەگەریانا هێزێن پێشمەرگەی بۆ دهڤهرێ دكن
باسنيوز:
پێكهاتەیێن دەشتا موسل ئەوێن زڤریەڤە سەرجهێن خوە و حەشدا شەعبی هاتیە دەڤەرێن وان نوكە داخوازیا ڤەگەریانا پێشمەرگەی دكەن ژبەركو رەوشا ئەمنیا دەڤەرێ نە یا ئارامە.
جەلا خەتاری، چالاكڤانی ئێزدێ بۆ ( باسنیوز) راگەهاند: رەوشا ئەمنی ل دەشتا موسل نەیا ئارامە، دخوازین پێشمەرگە زڤرنەڤە سەر جهێن خوە، پشتی چەكدارێن حەشدا شەعبی هاتی مەترسی ل دەڤ خەلكی زێدە بۆیە، روژانە خەلكی بێزار دكەن، ئەگەر پێشمەرگە نەزڤرنەڤە سەر جهێن خوە نەچارین ئاوارە ببینەڤە ناڤ كەمپا ل بەر خرابیا چەكدارێن حەشدا شەعبی.
سالم جمعا، نوێنەرێ كوردێن شەبەک، بۆ ( باسنیوز) راگەهاند: حەشدا شەعبی ل دەشتا موسل خەلك ب تەمامی بێزار كریە ، ئەگەر وەك بەری نوكە ئەمنیەتا دەڤەرێ لێ بهێتەڤە پێشمەرگە بهێنەڤ سەر جهێن خوەو حەشدا شەعبی نەمینیتە ل دەڤەرێ كەسێ چۆ ئاریشە نامینن و هەمو ئاوارە دێ زڤرنەڤە سەر دەڤەرێن خوە.
سەفا چیچۆ، چالاكڤانێ كریستیان بۆ (باسنیوز) گوت: ل دەشتا موسل حەشدا شەعبی بۆیە ئەگەر كو خەلك كێمتر ب زڤرنە سەر مالێن خوە، ئەو دەڤەرێن ل ژێر كنترولا هێزێن پێشمەرگەی خێزان لێ هەنە یێن كریستیان ب ئارامی دژین ، ئەگەر پێشمەرگە نەزڤرنە سەر جهێن خوە ئاوارەیێن كریستیان نەشێن زڤرنەڤە دێ ل ئاوارەیێ مینن ژبەر حەشدا شەعبی.
تُتاح هذه الصورة أيضا في: کوردی