وەلاتێ کوریا باشور کۆمەکا ھاریکاریێن تەندرۆستی پێشکێشی پارێزگەھا دھۆکێ کرن
تۆرا لالش يا راگه‌هاندنێ/ئه‌ياد خانكى
ب ئامادەبوونا بەرێز فرھاد امین پارێزگارێ دھۆکێ و بەرێز پارک کیون قۆنسلێ گشتی یێ وەلاتێ کۆریا باشور ل ھەرێما کوردستانێ ل کەمپا شاریا یا ئاواران ل رێکەفتی ١٥/١١/٢٠١٨ رێ و رەسمێن رادەستکرن و وەرگرتنا کۆمەکا کەل و پەلێن تەندروستی ھاتتن ئەنجام دان.
دپەیڤەکێ دا بەرێز فرھاد امین پارێزگارێ دھۆکێ سۆپاسیا وەلاتێ کۆریا باشور کر بۆ گەھاندنا ھاریکاریێن تەندروستی بۆ ھەرێما کوردستانێ و پارێزگەھا دھۆکێ، و ئاماژە دا کو ئەڤ ھاریکاریە برێ یا قۆنسلیا گشتی یا کوردیا باشور ل ھەرێما کوردستانێ ھاتنە پێکێشکرنە و برێا وەزارەتا ناڤخۆ- ناوەندا ھاوبەش یا ھەماھەنگیا قەیرانا ھاتنە ھنارتنە بۆ پارێزگەھا دھۆکێ، ھەرھۆسا نڤیسینگەھا بەرسڤ دانا قەیرانا و رێڤەبەریا گشتی یا ساخلەمیێ ب ھەماھەنگی دگەل بۆردێ کارو بارێن مرۆڤایەتی ئەڤ کەل و پەلە ل سەر کەمپێن ئاواران بەلاڤکرنا، دیسان پارێزگار داخواز کر کو جڤاکێ دەولی بتر کار بکەت و فشارێ ل سەر حکومەتا عیراقێ بکەت پێخەمەت سەپاندنا ئارمایێ ل ناوچەیێن ئاواران و بتر گەھاندنا ھاریکاریان بۆ ڤی خەلکی.
ژلایەکی دیڤە بەرێز پارک کیون قنسلێ کۆریا باشور ل ھەرێما کوردستانێ سوپاسیا ھەرێما کوردستانێ و پارێزگەھا دھۆکێ کر بۆ حزمەتکرنا ژمارەکا مەزنە ئاواران و پەنابەران، و ھەڤ سۆزیا خۆ دیار کر دگەل بارودۆخێ ھەرێمێ و ئاماژە دا کو کۆریا باشور ھەمان بارۆدۆخی را دەرباز بووە ل سالێن پێنجیان وشێستان، دیسان قۆنسلی دیارکر کو ژ دەمێ ھێرشێن داعش ل سالا ٢٠١٤ چەندین جارا کۆریا باشور ھاریکاریێن تەندروستی و پەروەردێ پێشکێشی ھەرێمێ کرنە و دێ بەردەوام بن ل سەر پشتەڤانیا خۆ.
پاشی سرودەک ژلایێ چەندیین زارۆکێن ئاواران ڤە ھاتە پێکێشکرن و چەندیین دیاری ل سەر زارۆکان ھاتن بەلاڤکرن و ل دۆماھیێ کەل و پەلێن تەندروستی کو پێک ھاتی بوون ژ ١١٠ کەرستان ل سەر بنگەھێن ساخلەمیێ.
تُتاح هذه الصورة أيضا في: کوردی