پارتی دێ د گهل كۆمهلا ئیسلامی كۆم بیت
WAAR-دهۆك:
گۆتوبێژێن پێكئینانا حكومهتا نوو یا ههرێما كوردستانێ دهست پێ كرن، پارتی دگهل ئێكهتی و گۆرانێ كۆم بوو و چاڤهرێیه دگهل كۆمهلا ئیسلامی ژی كۆمببیت.
شاندا پارتی دیمۆكراتی كوردستان پشتی دگهل ههر یهك ژ ئێكهتییا نیشتیمانییا كوردستانێ و تهڤگهرا گۆرانێ كۆمبووی، چاڤهرێ دهێت كرن، بهردهوامیێ ب سهرهدانێن خوه بكهت، تایبهت بۆ وان ئالییێن هێشتا بریار نهدای كانێ دێ پشكداری كابینهیا نوو بن یان نه.
ل گۆرهی زانیاریێن وار، وهستگهها بهێت یا سهرهدانا شاندا پارتی، دێ بۆ كۆمهلا ئیسلامی بیت، ژێدهرهكێ ژ مهكتهبا سیاسییا كۆمهلێ ئهڤرۆ بۆ وار دیاركرییه، هێشتا ئهو ب سهرهدانا شاندا پارتی نههاتینه هایدار كرن.
شاندا پارتی دوهی دو كۆمبوون دگهل ئێكهتی و گۆرانێ كرینه، لێ نهژبۆ بریاردانێ بوون، بهلكو ب كۆمبوونێن شیرهتكاری د هاتن ههژمارتن.
عهلی باپیر ئهمیرێ كۆمهلا ئیسلامی ژی ل حهفتییا بۆری راگههاندبوو؛ هێشتا وان چ بریارهك نهدایه كانێ دێ پشكداری حكومهتێ بن، یان رێیا ئۆپۆزسیۆنێ گرنه بهر.
تُتاح هذه الصورة أيضا في: کوردی