حەیدەر شەشۆ: ئەمریکا و پەکەکێ ھەماھەنگی ل شنگالێ ھەیە
WAAR-دهۆك:
سکرتێرێ پارتییا ئێزدی یا دیمۆکراتی دیار کر، ئەمریکا ل ھەمبەر پرسا پەکەکێ دووروو یە، ژ بەرکو ژ ئالییەکی پاداشتان بۆ گرتنا بەرپرسێن وێ یێن قەندیلی ددانیت و ل ئالییەکێ دی ل شنگال و رۆژئاڤایێ کوردستانێ ھەماھەنگییێ د گەل دا دکەت.
حەیدەر شەشۆ، سکرتێرێ پارتییا ئێزدی یا دیمۆکراتی و فەرماندارێ ھێزا پاراستنا ئێزیدخانێ بۆ ئاژانسا نووچەیێن ئانادۆلێ راگەھاند: ئەمریکا و ئیراق ل ھەمبەر پرسا پەکەکێ دووروو نە، ژبەرکو ئەمریکا ژ ئالییەکی ڤە خەلات بۆ دەستەسەرکرنا بەرپرسێن پەکەکێ ل قەندیلی داناینە و ئیراقێ ژی سۆزا دەرخستنا پەکەکێ ژ ئیراقێ دایە، لێ د ھەمان دەم دا ئەمریکا ب رێیا یەپەگێ ل باکۆرێ سووریا ھاریکارییێن خوە دگەھینیت پەکەکە و یەپەژێ ل شنگالێ و ئیراق ژی ب رێیا سوپایی و حەشدا شەعبی، مووچەیان بۆ دابین دکەت.
شەشۆیی گۆت ژی: پەکەکێ ل پڕانییا سنۆرێ دەڤەردارییا شنگالێ بنگەھـ و سەربازگەھـ ھەنە و ئەمریکا و ئیراق ھەماھەنگییێ د گەل دا دکەن و ئەو سیاسەتێن ئەمریکا ن د بەرژەوەندییا کوردێن ئێزدی و شنگال و شنگالییان دا یە، ژ بەر کو ھەبوونا پەکەکە و حەشدا شەعبی ل وێ دەڤەردارییێ بوویە سەدەما ھەبوونا ڤالاھییا ئێمناھی، کارگێری و سیاسی.
تُتاح هذه الصورة أيضا في: کوردی