جڤاتا شنگال: بەغدا چوو بودجە بۆ شنگال تەرخان نەكریە
باسنيوز:
ئەندامەكی جڤاتا قەزا شنگال دیار كر: “حكومەتا عێراقی بۆدجەیا سالا 2019ێ دا ژی شنگال پشتگوه هاڤیتە و چوو بۆدجەكا تایبەت بۆ ئاڤەدانیا شنگال نەهاتیە تەرخانكرن”.
خەیری زیبان، ئەندامێ جڤاتا قەزا شنگال بۆ (باسنیوز) دیار كر: “شاندەكی ئیدارا شەرعی یا شنگال بۆ چارەكرنا ئاریشێن شنگال دێ چنە بەغدا. نۆكە بەرهەڤیێ بۆ چوونا ڤی شاندەی ئیدارا شنگال یێن دهێنە كرن، چونكو حكومەتا عێراقی بۆدجەیا سالا 2019ی دا هیچ كوژمەكێ پارەی بۆ شنگال تەرخان نەكریە. هەتا نۆكە ژی ژبەر نەبوونا خزمەتگوزاریان وئیمناهیێ خەلكێ شنگال وەكو پێدڤی نەشێن ڤەگەرن. پێدڤیە بۆ حكومەتا عێراقی رەوشا شنگال پێشچاڤ وەربگریت وكوژمەكێ پارەی بۆ خزمەتگوزاریان ل شنگال تەرخان بكەت چونكو پێدڤیە بۆدجە دووڤ رێژا خوەجهێن دەڤەران بهێتە بەلاڤكرن”.
خویا ژی كر: “ئەم دێ هەموو بزاڤان كەن شنگال نەهێتە بێ بەهركرن ژ بۆدجەیا عێراقی. پێدڤیە دووڤ رێژا ئاكنجێن شنگال بۆدجە بۆ شنگال بهێتە تەرخانكرن داكو ئاڤەدانی ل دەڤەرێ دەست پێ بكەت”.
تُتاح هذه الصورة أيضا في: کوردی