حەشدا شەعبی خەلكێ شنگالێ خاپاند
سەعدون حسێن ئبراهیم
ل (١٦)ی ئۆكتۆبەرا سالا(٢٠١٧)حەشدا شەعبی و ملیشیایێن شیعی ب هەڤكاری دگەل سوپایێ پاسدارێن ئیرانێ بسەرپەرشتیا قاسم سولێمانی كارین وان دەڤەرێن ژ دەرڤەی ئیدرا هەرێمێ داگیر بكن و جارەكا دن مینا سەدێ بیستێ دەست ب تەعریبكرن و شەوتاندنا مالێن خەلكێ كرن،ئەڤ چەندە ژی بوو ئەگەرێ ئاوارەبوونا ب هەزاران خەلكێ وان دەڤەران،بێگۆمان شنگال و ب تایبەتی ژی ئێزدی بێ بەهرنەبوون ژ ئەڤ چەندا حەشد شەعبی كری پشتی هاتنا حەشدا شەعبی بۆ شنگالێ و برینا رێیا دناڤبەرا دهۆك و شنگالێ دا ئەڤێ چەندێ ژی رێ لبەر خەلكێ شنگال ب زەحمەت ئێخست بۆ هاتنا هەرێمێ و ژبەر نە باوەریا ئێزدیان ب ئەرەبان و خرابیا رەوشا ئێمناهیێ نكارن قەستا مووسل بكن بۆ كرینا پێتڤیێن ژیانا خۆ ب ناچاری ڤە رێیەكا دور و درێژ ددنە بەر خۆ هەتا بكارن قەستا كوردستانێ بكن بۆ كرینا پێتڤیێن خۆ،نهۆ ژی ژبەر نەبوونا خزمەتگۆزاریان دنالن ژبلی ڤێ چەندێ ڤەگەراندنا وان ئەرەبێن دەست د گرتنا كچ و ژن و كوشتن و تالانكرنا مالێن ئێزدیان دا هەین بۆ دەوروبەرێن شنگالێ ئەڤ چەندە ژی بوو ئەگەرێ نەباوەریێ ل جەم ئێزدیان بۆ هندێ ڤەگەرنە سەر مال و حالێن خۆ ڤە،حەشدا شەعبی رێگری ل رۆژنامەڤان كر داكو رەوشا خەلكێ شنگالێ ژ نێزیك ڤە نەئێتە شۆپاندن،كو چەندین جاران چەند رۆژنامەڤانێن ئێزدی ژلایێ حەشدا شەعبی ڤە هاتینە دەستەسەركرن،حەشدا شەعبی و هندەك لایەنێن دی خەلكێ شنگال هاندان و خاپاندن بۆ رێگریكرن ل هەمبەر ڤەگەریانا ئیدارا شەرعی یا شنگال بۆ خزمەت و ئاڤەدانكرنا شنگالێ داكو خەلك جارەكا دی ڤەگەرنە سەر مال و حالێن خۆ و دەست ب ژیانەكا نوو بكن.
تُتاح هذه الصورة أيضا في: کوردی