مهحما خهلیل: ههموو رێ بۆ شنگالێ د داخستینه
باسنيوز:
قائیمقامێ قهزا شنگالێ راگههاند، نها ههموو رێك بۆ شنگالێ د داخستینه و كوردێن ئێزدى بۆ ڤێ جهژنا ئێزى ژى ب چو رهنگان نهشێن سهرهدانا جهـ و مال و مولك و پهرستگههێن شنگالێ و كهس و كاران بكهن.
مهحما خهلیل، قائیمقامێ قهزا شنگالێ تایبهت بۆ (باسنیوز) دیار كر، ههت نوكه رێكا دناڤبهرا سحێلا بۆ شنگال نههاتیه ڤهكرن و رێكێن دى ژى بۆ شنگال ههموو د داخستینه، ب تنێ بهرى نها رێكا دناڤبهرا شنگال و تلهعفهر دا یا ڤهكرى بوو، بهلێ ئهو رێك ژى ژ بهر لافاوان ژناڤچوویه و هاتیه داخستن و نها ههموو رێك بۆ شنگالێ د داخستینه و گۆتیشى: رێككهفتن دناڤبهرا حكومهتا ههرێمێ و حكوومهتا عیراقێ دا بۆ ڤهكرنا رێكا سحێلا بۆ شنگال هاتیه كرن، بهلێ ههتا نوكه عیراقێ ئهو رێك نهڤهكریه.
مهحما ئاماژه دا وێ چهندێ، د سهر وێ یهكێ را دو رۆژ بوو جهژنا ئێزى یا كوردێن ئێزدى ماینه، بهلێ بۆ ڤێ جهژنێ كوردێن ئێزدى ب چو رهنگان نهشێن سهرهدانا جهـ و مال و مولك و پهرستگههێن شنگالێ و كهس و كارێن خوه ل شنگال بكهن.
قائیمقامێ قهزا شنگالێ گۆتژی: “كو رێكا دناڤبهرا شنگال و تلهعفهر دا بۆ ماوهیهكێ كاتى ل سهر رێكهكا ئاخێ هاتیه ڤهكرن، بهلێ ئهو رێك ژى گهلهك یا بێ سهروبهره و بارانهكا نورمال ژى بێت ئهو رێك دێ ژناڤچیت”.
تُتاح هذه الصورة أيضا في: کوردی