سەرۆكێ بنگەهێ لالش سەرەدانا زانكۆیا پۆلیتەكنیكی یا دهۆكێ دكت
تۆرا لالش یا راگەهاندنێ/دهۆك
سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ سەرەدانا سهرۆكاتیا زانكۆیا پۆلیتەكنیكی یا دهۆكێ كر و سوپاسیا زانكۆیێ كر بۆ چارەكرنا كێشە و گرفتێن قوتابێن ئێزدی.
ئیرۆ رۆژا ئێك شەمبوویێ 16ی كانوونا ئێكێ 2018ێ بەرێز”شێخ شامۆ”سەرۆكێ دەستەیا بلندا بنگەهێ لالش سەرەدانا زانكۆیا پۆلیتەكنیكی یا دهۆكێ كر و ژبال بەرێز “د.عەدنان”سەرۆكێ زانكۆیێ ڤە ب گهرمی هاتە پێشوازیكرن.
د هەڤدیتنێ دا سەرۆكێ بنگەهێ لالش سوپاسیا سەرۆكێ زانكۆیا پۆلیتەكنیك و هەموو راگرێن زانكۆیێ ل سنوورێ ئامێدیێ و شێخان و بەردەرەش و دهۆكێ و زاخۆ كر بۆ هاریكاریا مهزنا ژبۆ چارەكرنا كێشە گرفتێن قوتابیێن ئێزدی و تایبەت یێن شنگالێ و رهچاڤكرنا رهوشا وان یا ئاوارهیێ.
ژبال خۆڤە سەرۆكێ زانكۆیا پۆلیتەكنیكی یا دهۆكێ رۆلێ بنگەهێ لالش و سهرۆكێ بنگههی بۆ چاڤدێریكرن و ل دوڤچۆنا كێشەیێن قوتابیان بلند نرخاند و دیاركر” كو ئەوا دشیان دا بت بۆ قوتابیان درێغی نەكریە و دێ بەردەوام هاریكاریا قوتابیان كن”.
تُتاح هذه الصورة أيضا في: کوردی