سەرۆكێ بنگەهێ لالش:چالاكیێن تایی و نڤیسینگەهێن لالش بلند دنرخینین
تۆرا لالش یا راگەهاندنێ/دهۆك
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كۆمبوونا خۆ يا ئاسایی ئەنجام دا و چەندین تەوەر گەنگەشەكرن.
ل رۆژا ئینیێ 11ی كانوونا دووێ 2019ێ دەستەیا بلندا بنگەهێ لالش كۆمبوونا خۆ یا ئاسایی گرێدا و تێدا سەرۆكێ بنگەهی بەرێز”شێخ شامۆ” بزاڤ و چالاكیێن تایی و نڤیسینگەهێن لالش ل سالا (2018)ێ ئەنجام داین بلند نرخاندن و تەكەزكر كو ئەڤ چالاكی جیێ تەقدیر و رێزگرتنێ نە و هیڤیا سالەكا سەركەفتی بۆ خواست،دووپاتكر ژی كو بزاڤ و چالاكیێن هەمەجۆر یێن ل سالا بۆری هاتینە كرن بۆ خزمەتكرنا خەلكێ خۆ جیێ شانازیێ نە،داخوازكر ب هەمان گەرم و گۆری دبەردەوام بن و پلانێن نوو بۆ ئیسالە ب دانێن.
دتەوەرەكی دی دا شێخی رۆنكر” دڤێت هەماهەنگی دناڤبەرا نڤیسینگەه و تایان دا هەبت بۆ دانانا ئالیەتەكا نوو بۆ هاریكاریكرنا خەلكێ ب تایبەت ل كەمپان دا”.
هەر دكۆمبوونێ دا شێخی بەحس ل گرنگترین پێشهاتان ل مەیدانا سیاسی و رۆلێ بنگەهێ لالش وەك دەزگەهەكی رەوشەنبیری و كۆمەلایەتی بۆ گەهاندنا رەوشا ئێزدیان بۆ هەموو جیان كر.
تُتاح هذه الصورة أيضا في: کوردی