جڤاتا تلكێفێ:بتنێ حكومەتا هەرێمێ خۆ ل دەڤەرێن ئێزدیان كریە خودان
تۆرا لالش یا راگەهاندنێ
ئەندامەكی جڤاتا قەزا تلكێفێ راگەهاند،دەڤەرێن ئێزدیان دخوازن ماددەیا(140)ژ دەستوورێ عێراقێ بێتە بجهئینان و ڤەگەرنە سەر باوەشا هەرێمێ،بتنێ حكومەتا هەرێمێ خۆ ل ئاریشێن ئێزدیان كریە خودان.
ئەندامێ جڤاتا قەزا تلكێفێ(ئەمجەد رەشۆ)د داخویانیەكا تایبەت دا بۆ رۆژناما دەنگێ لالش راگەهاند،بتریا دەڤەرێن ئێزدیان خزمەتگۆزاریێن باش لێ هاتینە ئەنجام دان ژلایێ حكومەتا هەرێما كوردستانێ ڤە و ئەو كۆمەلگەهێن ئێزدیان یێن كێم خزمەتگۆزاری لێ هەین دێ ئێنە چارەسەركرن وەكی هەر كۆمەلگەهەكا دیتر،هەروەسا دەڤەرێن ئێزدیان ب گشتی دخوازن ماددەیا(140)ژ دەستوورێ عێراقێ بێت بجهئینان و ڤەگەرنە سەر باوەشا هەرێمێ،بتنێ حكومەتا هەرێمێ خۆ ل ئاریشێن ئێزدیان كریە خودان،نهۆ بتریا دەڤەرێن ئێزدیان دبن كۆنترۆلا هێزێن پێشمەرگەی دایە و ژیانەكا ئاسایی ب ئارامی ب رێڤەدبەن.
ئەمجەدی ئاشكەراكر،حكومەتا عێراقێ ژلایێ خزمەتگۆزاریان ڤە هیچ هاریكاری پێشكێشی دەڤەرێن ئێزدیان نەكریە،ب تایبەت پشتی هاتنا داعشێ دەڤەرێن ئێزدیان پێتڤی ب ئارامی و خزمەتگۆزاریان بوون.
تُتاح هذه الصورة أيضا في: کوردی