ئهلمانیا دێ ژمارهكا كوردێن ئێزدی وهك پهنابهر وهرگریت
WAAR-دهۆك:
وهزارهتا ناڤخوه یا ئهلمانیا دهنگ ل سهر پرۆگرامهكی دا كو رێ ب كوردێن ئێزدی د دهت ل ئێك ژ ههرێمێن وێ بژین.
پرۆگرامێ وان تایبهته ب پێشوازیكرنا وان كوردێن ئێزدی یێن ژ ئهنجاما هێرشا داعشێ بۆ سهر شنگال و دهردوورا وێ ل تهباخا سالا 2014ێ ژئالیێ وێ رێكخستنێ ڤه هاتینه رهڤاندن، پاشان رزگاربووین و رهوشا وان یا دهروونی تێكچووی.
ئهو پرۆگرامه دێ رێ ب كوردێن ئێزدی دهت كو ل ههرێما براندنبێرگ یا رۆژههلاتێ ئهلمانیا بمینن و بهرپرسێن وێ ههرێمێ ژی دێ جهێ مانا وان دابین كهن.
بریاره د چهند حهفتیێن بهێت دا، ئاژانسا كوچبهرێن رێكخستنا نهتهوهیێن ئێكگرتی دهست ب بهرههڤكرنا دۆسهیا وان كهسان بكهت یێن كو پرۆگرام ژێ دگریت.
ههروهسا بهرپرسهكێ ههرێما براندنبێرگ و ستافێ ئاژانسا كوچبهران یا رێكخستنا نهتهوهیێن ئێكگرتی ل ههرێما كوردستانێ ههڤدیتنێ ل گهل وان كوردێن ئێزدی بكهن ئهوێن كو دخوازن بچنه ئهلمانیا.
تُتاح هذه الصورة أيضا في: کوردی