ئاوارێن چیایێ شنگال نەڤێن ڤەگەرنە دەڤەرێن خۆ ڤە
تۆرا لالش یا راگەهاندنێ
چالاكڤانەكێ سڤیل یێ ئێزدی راگەهاند،كو بتری سێ هەزار خێزانێن ئاوارە ل كەمپا سەردەشتێ و چیایێ شنگالێ ئاكنجی نە،ب تنێ نێزیكی (30)خێزانان ڤەگەریاینە و یێن دی نەڤێن ڤەگەرنە دەڤەرێن خۆ ڤە.
چالاكڤانێ سڤیل(سعەد حەمۆ)بۆ رۆژناما دەنگێ لالش ئاشكەراكر،ل دەمێ هێرشا رێكخراوا تیرۆرستیا داعشێ بۆ سەر شنگال ب هەزاران خێزانێن ئێزدی ئاوارەی چیایێ شنگالێ بوون و هەتا نهۆ ل وێدەرێ ماینە،كو دوو هەزار و(600)ئاوارە ل كەمپا سەردەشتێ و هەزار ل چایی ئاكنجینە،بتنێ نێزیكی(30)خێزانان چۆینە گوندێ وەردیێ ئەو گوند ژی هەر ب رەخ چیایی ڤەیە،ژبەر هەبوونا پاشمایێن داعش و رەوشا ل دەڤەرێ هێش ئەڤ خێزانێن ئاوارە ڤەنەگەریاینە سەر گوند و كۆمەلگەهێن خۆ ڤە.
زێدەتر گۆت:ئاوارێن چیایێ شنگال دخوازن گوند و كۆمەلگەهێن وان ژ مین و تەقەمەنیان بێنە پاقژكرن و ئارامی ل دەڤەرێ بەرقرار ببت و خزمەتگۆزاری بۆ بێنە دابینكرن،داكو بكارن ڤەگەرنە سەر مال و خۆ و ژ ژیانا ئاوارەبوونێ قورتالببن.
تُتاح هذه الصورة أيضا في: کوردی