خیڤەتێن ئاواران دێ ئێنە گهۆرین
تۆرا لالش یا راگەهاندنێ
ل دەمەك نێزیك دێ دەست ب گهۆرینا خیڤەتێن ئاوارێن كەمپا كەبەرتوو ئێك ئێتە كرن و بتری دوو هەزار خیڤەتێن نوو گەهشتینە كەمپێ.
رێڤەبەرێ كەمپا كەبەرتوو ئێك(سعود مستۆ) بۆ رۆژناما دەنگێ لالش ئاشكەراكر،لدوڤ پلانا سالانە یا بۆردێ كاروبارێن مرۆڤایەتی ل پارێزگەها دهۆكێ ئامادەكاریێن هاتنا وەرزێ زڤستانێ ل كەمپێ دا هاتینە كرن ئەو ژی ل دەمەك نێزیك دا دێ دەست ب گهۆرینا خیڤەتێن ئاواران ل ناڤ كەمپێ دا كەین و بتری دوو هەزار خیڤەتێن نوو گەهشتینە كەمپێ،زێدەباری وێ چەندێ كار بۆ دابینكرنا گازا سپی بۆ ئاواران دكەین و دێ بەردەوام بین لسەر پێشكێشكرنا خزمەتگۆزاریان بۆ خەلكێ خۆ یێ ئاوارە ل ناڤ كەمپێ دا.
رۆنكر ژی ئەڤە پێنج سالە خەلكێ شنگال دناڤ خیڤەتان دا ل كەمپێ دژین و ژبەر هەڤركیێن سیاسی و رەوشا نالەبارا نهۆ شنگال تێدا دەرباز دبت خەلكێ ژیانا خیڤەتان هەلبژارتیە و ئەو ڤەناگەرنە سەر جی و وارێن هندی رەوش بڤی ئاوایی بت.
تُتاح هذه الصورة أيضا في: کوردی