کەسەکێ ئێزدی پۆستەک ل جڤاتا وەزیران وەرگرت
گاڤ نیوز: دهۆک
سەعید جردۆ، وەک رێڤەبەرێ گشتی ل دیوانا جڤاتا وەزیرێن حکومەتا هەرێما کوردستانێ دەست بکاربوو.
سەعید جردۆ، هۆزانڤان و ئەدیبەکێ دیارێ دەڤەرا شنگالێ یە، و نها ژی کارگیڕێ لقا شنگال یا پارتی دیموکراتی کوردستانە، پێشتر ژی ریڤەبەرێ کۆمسیۆنا بلندا هەلبژارتن و ڕاپڕسیان ل نەینەوا بوو.
سەعید جردۆ، د داخویانیەکێ دا بۆ گاڤ نیوز دیارکر، ئەڤرۆ28/9/2020 د نڤیسارەکا فەرمی دا فەرمانا دەستبکاربوونا وی وەک ڕیڤەبەرێ گشتی ل جڤاتا وەزیران دەرکەفتیە، لێ هێشتا دیارنەبوویە دێ چ رێڤەبەری وەرگریت.
هەروەسا گۆت: ل رۆژێن بهێن ئەو ریڤەبەریە دێ هێتە دیارکرن و دێ ل ریڤەبەریەکا دەستنیشانکری، دەست بکاربیت.
ل کابینەیا نووی یا حکومەتا هەرێما کوردستانێ و ئیدارەیا خۆجهیا دهۆکێ، ئێزدیان چەندین پۆست وەرگرتینە ژ وانا ژی؛ بریکارێ وەزیرێ چاندن و ژێدەرێن ئاڤێ، راوێژکارێ سەرۆکێ حکومەتێ بۆ کاروبارێن ئێزدیان، و ڕاوێژکارێ پەرلەمانێ کوردستانێ، ریڤەبەرێ گشتیێ گەشتوگۆزارا دهۆکێ.
تُتاح هذه الصورة أيضا في: کوردی