74 سال ب سهر سێدارهدانا سهركردهیێ كورد قازى محهمهدى دهربازبوون
گاڤ نیوز
ئهڤرۆ 74 سال ب سهر سێدارهدانا سهركردهیێ كورد قازى محهمهد، دامهزرێنهرێ كۆمارا كوردستان ل مهابادێ دهربازبوون.
قازی محەمەد، ل سالا 1893 ل باژێڕێ مهاباد ل رۆژهەلاتێ کوردستانێ ژ دایک بوویە و ل سالا 1946 کۆمارا کوردستان ل مهابادێ دامەزراند.
قازی ژبلی زمانێ کوردی، زمانێن فارسی، تورکی، عەرەبی، فڕەنسی، ئنگلیزی و رۆسی دزانین و هەر د ژیێ گەنجاتیێ دا بۆ دۆزا کوردی کار دکر و ئێک ژ وان کەسان بوو کو ل مهابادێ هاریکاریا هەژاران دکر.
قازی محەمەد ل سالێن 1930 ببوو ئەندامێ کۆمەلا خۆییبوون (1927 – 1942) و پاش ل سالا 1945 ناڤێ وێ بۆ پارتی دیمۆکراتی کوردستان هاتە گوهۆڕین.
قازی و ئەندامێن پارتی دیمۆکراتی کوردستان ل 22-1-1946 کۆمارا کوردستان ل مهابادێ دامەزراند و بزاڤ کرن ب دانوستاندنێن ل گەل تەهرانێ حوکمێ ئۆتۆنۆمی بۆ کوردان بدەستڤە بینیت، لێ پشتی ڤەکێشانا هێزێن سۆڤیێت ژ ئیرانێ، هێزێن ئیرانی چوونە مهابادێ، قازی و 28 ئەندامێن دی یێن پارتی دیمۆکراتی کوردستان گرتن و ل رۆژا 31-3-1947 قازی محەمەد ل مەیدانا چارچرا ل مهابادێ سێدارە دا کو هەمان مەیدان بوو یا کۆمارا کوردستان لێ هاتیە راگەهاندن.
قازی بەری بهێتە گرتن و سێدارەدان، ئالایێ کوردستانێ رادەستی مەلا مستەفا بارزانی کر و داخواز ژێ کر ئالایێ کوردستانێ بپارێزیت.
تُتاح هذه الصورة أيضا في: کوردی