نۆژدارەك:ئەگەر ماسكی ب دروستی بكارنەئینی دبتە ئەگەرێ تووشبوونێ ب ڤایرۆسێ كۆرۆنایێ
تۆرا لالش:
نۆژدارێ پلەبەند و بەرپرسێ تیما كۆڤید(19) یا پزیشكی ل كۆمەلگەها شاریا دیاركر،ئەگەر ب دروستی وشەهرەزایی ماسكی بكارنەئینی،ئەو ماسك ب خۆ دێ بتە ئەگەرێ تووشبوونا تە ب ڤایرۆسێ كۆرۆنایێ،ماسك زۆر یێ ب كاریگەرە دەمێ شووشتنا دەستان دگەلدا بت ب شێوەیەكی باش و زوو بێنە شووشتن.
د.شوكت عجاج كۆرۆ،نۆژدارێ پلەبەند و بەرپرسێ تیما كۆڤید(19) یا پزیشكی ل كۆمەلگەها شاریا بۆ رۆژناما دەنگێ لالش دیاركر،كەسێن ساخلەم پێتڤی بكارئینانا ماسكێ نینن ژبلی ڤان حالەتان ئەو ژی ئەگەر چاڤدێریا كەسەكێ تووشبووی ب ڤایرۆسی بكت،یان ئەگەر ئەڤ نیشانە هەبن وەكو(كوخك،بێهنژین) ئەو ژی داكو ڤایرۆس بەلاڤ نەبت بۆ كەسێن دەورووبەر،یان ژی نەچاربت بچتە جیەكی بقەرەبالغ یان ژی نەخۆشخانێ،هەروەسا ماسكێ جۆرێ ئاسایی (نەشتەرگەری) ئەو جۆرەیە یێ كو بتریا خەلكی بكاردئینن و یێ بەردەستە ل بازاری بكاربینن و ماسكێ(N95)بتنێ بۆ نۆژدار و كارمەندێن تەندرووستی یە.
هەروەسا د.شوكت خویاكر،ل دەمێ ماسكی دانێ یە بەر دەڤێ خۆ یا درووستتر ئەوە رەنگێ سپی یێ ماسكێ بۆ ژناڤ دابت و رەنگێ شین بۆ ژ دەرڤە بت،ئەو ژی بەری بكارئینانا ماسكی دەستێن خۆ باش بشۆ ب ئاڤ و سابوونێ یان ژی ب معقم كحولی،پشتراست ببە كو ماسك نەیێ نقوولە یان دریای یە،ماسكی باش بشدینە ب پاشیا سەرێ خۆڤە یان ژی بدانە سەر گووهێن خۆ لپەی جۆرێ ماسكی،كو باش دەڤ و دفنا تە بگرت و هیچ ڤالاهی نەمینت دناڤبەرا ماسكی و سەرووچاڤان دا،دیسان بڤی شێوەی سەرەدەریێ لگەل ماسكی بكە هندی بكاری دەستێن خۆ نەكێ و ئەگەر توو نەچاربووی دەستێ خۆ بكەیێ دڤێت دەستێن خۆ باش بشۆی ب ئاڤ و سابوونێ یان ژی ب معقم كحولی،هەروەسا نابت هەر بێهنەكێ ماسكی ژسەر دەڤێ خۆ بینیە سەر چەنا خۆ و ب ئاخڤی و جارەكا دی بزڤرینی یە ڤە سەر دەڤی،ئەگەر ب دروستی وشەهرەزایی ماسكی بكارنەئینی،ئەو ماسك ب خۆ دێ بتە ئەگەرێ تووشبوونا تە ب ڤایرۆسێ كۆرۆنایێ،ماسك زۆر یێ ب كاریگەرە دەمێ شووشتنا دەستان دگەلدا بت ب شێوەیەكی باش و زوو زوو بێنە شووشتن.
دكتۆری گۆت:ماسكێ ئاسایی بتنێ بۆ ماوێ چار دەمژمێرا ل كارە لبەر دەڤێ مرۆڤی بمینت،هەرگاڤا تە دیت ماسكێ تە (تەر-رگوبە)بوو دڤێت ب هاڤێژی و ئێدی بكێر بكارئینانێ ناكە،زێدەبارێ وێ چەندێ ماسك ئێكسپایر دبت و ماسكێن د كارتۆنان دا و نەڤەكری ل كارن تاكو سێ سالا ب مەرجەكی درووست بێنە هەلگرتن،بەلێ پا ئەگەر كارتۆن ڤەبوو بتنێ بۆ ماوێ سێ هەیڤا ل كارن.
ناڤهاتی ئەو ژی دیاركر،بەریا ماسكی بهاڤێژی دڤێت ل دەستپێكێ دەستێن خۆ باش بشۆی ب ئاڤ و سابوونێ یان ژی ب معقم كحولی،ماسكی ژ پشتێڤە ڤەكە بگرتنا هەردوو قەیتانێن ماسكی و هشیاربی دەستێن تە ب پێشیا ماسكی نەكەڤن،پاشی ماسكی پاڤێژە د تەنەكا گلێشی دا،ل تالیێ دڤێت دەستێن خۆ باش بشۆی ب ئاڤ و سابوونێ یان ژی ب معقم كحولی.
تُتاح هذه الصورة أيضا في: کوردی