چاوا زارۆكێن خۆ فێر بكن ب شەڤێ زوو بنڤن
عزەت برۆ
خەو ئێك ژ وان فاكتەرێن بهێزە بۆ بهێزكرنا سیستەمێ بەرگریا لەش و دووربوونا مرۆڤی ژ نەخۆشیا ئەو كەسێن كێم دنڤن بتر ژ كەسێن دی تووشی نەخۆشیا دبن و هەروەسا كێم خەوی پشتی بۆرینا چەند سالا كارتێكرنێ لسەر خانێن مێشك دكت دبتە ئەگەرێ هندەك نەخۆشیا و تێكچۆنێت دەروونی و تەندرۆستی،ژبەر ڤێ چەندێ یا گرنگە ئەم زارۆكێن خۆ فێری سیستەمەكێ نڤستنێ یێ رێكخستی بكەین،چەند رێیەك بۆ باشتركرنا نڤستنێ وەك:
نڤستنا شەڤێ د ئێك دەمی دا هۆسا دكت كو زارۆك بەردەوام ل وی دەمی دا بنڤت و بزاڤێ بكە جوداهیا دەمێ نڤستنا زارۆكێ تە ل هەموو شەڤا نە ژ ئێك دەمژمێرێ بتر بت و هەروەسا جیێ نڤستنێ بچەكێ یێ تاری بت یان رۆناهیەكا كێم هەبت،بەلێ نە ب تەمامی تاریبت چنكو زارۆك دتاریاتیێ دا دترست دیسان نێزیكی دەمژمێرەكێ بەری نڤستنێ نابت زارۆك بەرێ خۆ بدەتە موبایل و ئایپاد وفلم و چیرۆكێن بترس هتد…،هەروەسا باشترە زارۆك ب رۆژ گەلەك نە نڤت ئەگەر تەمەنێ وی ژ سێ سالان بتر بت نڤستنا رۆژ دبتە ئەگەرێ هندێ زارۆك ب شەڤ زوو نە نڤت ، ئەگەر تە دەرڤەت هەبت هەول بدە زارۆكێن تە رۆژانە بۆ ماوێ دەمژمێرەكێ یان بتر ژ دەرڤەی مالێ ل جیەكێ دلڤەكەر یان ناڤ باغچەكی دا یاریا بكت دێ بتە هاریكار بۆ رێكخستنا نڤستنا وی ، نەهێلە زارۆكێن تە برسی بنڤن چنكو دێ خەوا وان تێك چت هەول بدە بەری بنڤن خوارنەكا سڤك بخۆت .
زۆر گرنگە دەیك و باب خۆ فێر بكن زوو بنڤن یان ژی ل دەمێ نڤستنا زارۆكێن وان بێ دەنگیێ بپارێزن و زارۆكێن خۆ رازی بكن بچنە سەر جیێن نڤستنا خۆ،ژبەركو ئەگەر دەیك و باب درەنگ بنڤن دێ كارتێكرنێ ل زارۆكێن خۆ كن و دەمێ نڤستنا وان دێ ئێتە گهۆرین.
زانایان ئەڤ چەندە سەلماندیە بتریا هۆرمۆنێت گەشەكرنێ ل نیڤەكا شەڤێ باشتر كارێ خۆ دكن،لەوما یە فەرە بتریا دەمێ شەڤێ زارۆك یێ نڤستی بت داكو گەشەیا لەشێ وی ب شێوەیەكی دروست كار بكت، ئەگەر زارۆكێ تە ب شەڤێ زوو نە نڤست هەول بدە هێدی هێدی كو فێربت زوو بنڤت هەر رۆژ چەند خۆلەكا بەرێ دەمێ خەوا وی ببە سەر جی هەتا كو ب تەمامی فێر ببت د وەختێ خۆ یێ درووست بنڤت.
تُتاح هذه الصورة أيضا في: کوردی