ئالودەبوون (ادمان)
عزەت برۆ
ئالودەبوون ئەوە كو كەسەك فێری هەرتشتەكی ببت ب رێژەیەكا زۆر بكاربینت و نكارت بهێلت دبێژنێ ئالودەبوون(ادمان)،ئالودەبوون گەلەك جۆر هەنە وەك ئالودەبوون ب مادێ بێهۆشكەر و جگارەیان ،هەروەسان ئالودەبوون ب یاریا هەیە وەك قومار و یاریێن ئەلكترۆنی.
هەروەسا ل ڤی سەردەمێ نهۆ ئەم تێدا دژین ئالودەبوون ب ئەنترنێتی ژی هەیە كو هندەك كەس هەنە ب رێژەیەكا زۆر و ماوەیەكێ درێژ بكار دئینت بەلێ د كۆمەلگەها مە دا ئالودەبوون ب جگارێ گەلەك یا بەربەلاڤە و ب مخابنی ڤە بكارئینانا ماددێن بێهۆشكەر بەر ب زێدە بوونێ یە ،ئەڤ چەندە ژی دبتە ئەگەرێ هندێ كو كارتێكرنەكا خراب لسەر بارێ تەندرۆستی و جڤاكی و ئابووری یێ كەسێ ئالودەبووی دكت،هەروەسا دبتە ئەگەرێ پەیدابوونا ئاریشا و ئەنجامدانا تاوانا دناڤ خێزانێ و جڤاكی دا.
هندەك ئەگەرێن ئالودەبوونێ هەنە وەك بكارئینانا توندوتیژیێ ل دەمێ پەروەردەكرنا زارۆكان دا، دیسان خراب پەروەردەكرنا زارۆكان و هەڤالینیا كەسێن خراب ، بێكاری و بێ پلانی،دیسان بارێ ئابووریێ خراب و هەروەسان نەخۆشیێن دەروونی،و خۆڤەشارتن یان رەڤین ژ چارەسەركرنا ئاریشێن خۆ، باوەری بخۆنەبوون و نەبوونا پەیوەندیێن جڤاكی یێن باش و نەبوونا رەوشەنبیریێ.
چارەسەركرنا ئالودەبوونێ ب شێوەكی گشتی ئالودەبوون ب ماددێن هۆشبەر چارەسەریا وێ گەلەكا ب زەحمەتە،ژبەركو دەمەكێ درێژ پێ دڤێت و هەروەسان ئاریشەیەكا مەزنە بۆ جڤاك و دەولەتێ، ل جیێ دەولەت گرنگیدانێ ب پەرەپێدانا بوارێ تەندرۆستی و خووندن و پێشەسازی و ژینگەه و پەیداكرنا دەلیڤێن كاری و گرنگیدان ب خزمەتگۆزاریێن هاوەلاتیان بدەت لێ نەچارە دراڤەكێ مەزن ب مەزێخت بۆ چارەسەركرنا دیاردا ئالودەبوونێ،لێ یە فەرە خێزانێ ئاگەه ژ زارۆكێن خۆ هەبت و نەهێلت هەڤالینیا كەسێن خراب بكن.
هەروەسا دڤێت ل پرۆگرامێ خووندنێ ل قوتابخانێ بەحس ل ڤان بابەتان بێتە كرن و نابت دەیك و باب زارۆكێن خۆ پشتگوه بهاڤێژن و توندوتیژیێ بەرامبەری وان بكاربینن ،دیسان دڤێت راگەهاندن و رێكخراو رۆلێ خۆ ببینن د هشیاركرنا خەلكێ دا و دیاركرنا زیانێن بكارئینانا ڤان ماددێن دبنە ئەگەرێ ئالودەبوونێ، هەردیسان دڤێت یاسا وان كەسان سزا بدەت ئەوێن كرین و فرۆتنێ ب مادێن هۆشبەر دكن.
تُتاح هذه الصورة أيضا في: کوردی