جههوهر عهلى بهگ: ئێزدیان باوهرى ب حكومهتا عێراقى نهما ژبهر زڤرینا خێزانێن داعش
باسنيوز:
وهكیلێ میرێ ئێزدیان دیاركر ههتا 500 رهڤاندیێن ئێزدى هیشتا نههاتینه رزگاركرن كو ناڤ خێزانیێن داعش دا ل كهمپا هولێ دا وهلاتى سوریا ماینه نۆكه ژى خێزانێن داعش یێ سوریا بۆ مووسل دهێنه زڤراندن، خهلكێ مه یێ ئێزدى ب تایبهتى ژى خهلك شنگال باوهرى ب حكومهتا عێراقى نهما.
ئهڤرۆێ جههوهر عهلى بهگ وهكیلێ میرێ ئێزدیان بۆ كارۆبارێن پهێوهندیان بۆ (باسنیوز) راگههاند كو “ئێزدى چاڤهریبوون كچ وژن وزارۆكێن ئێزدیان یێن ناڤ كهمپا هولێ دا بن زۆرداریا خێزانیێن داعش دا بهێنه رزگاركرن ههتا 500 كهسێن رهڤاندیێن ئێزدى دناڤ خێزانیێن داعش دا ل كهمپا هولێ وهلاتى سوریا ههنه مخابن حكومهتا عێراقى چوو پێنگاڤ بۆ رزگاركرنا وان نههاڤیتن شوونا رهڤاندیێن ئێزدى رزگار بكهت خێزانیێن داعش ژ كهمپا هولێ بۆ كهمپا جدعه ل مووسل ڤهگوهاستن راستى ژى ئهڤێ چهندێ ئێزدى زۆر دلگرانكرینه چونكو هیشتا خهلكێ مه بن زۆرداریا خێزانێن داعش دا ماینه نههاتینه رزگاركرن”.
ئاشكهرا كر كو “ب توندى زڤرینا خێزانیێن داعش ژ سوریا بۆ مووسل ئهم رهت دكهین ڤێ چهندى ژى ئهم شهرمهزار دكهین نابییت داعش وپهشیمایێن داعش بهێنه زڤراندن نههێنه دادگههكرن، هیشتا هزارهها رهڤاندیێن ئێزدى دناڤ خێزانیێن داعش دا ماینه نههاتینه رزگاركرن”.
تُتاح هذه الصورة أيضا في: کوردی