وەلاتیێن گوندێ بۆزا داخوازا خزمەتگۆزاریان دكن
تۆرا لالش:
گوندێ بۆزا ئێكە ژ گوندێن ئێزدیان سەر ب ناحیا ئەلقووش ڤە،ئەڤ گوندە یێ مەغدورە و وەلاتیێن گوندی داخوازا خزمەتگۆزاریان دكن.
بەرپرسێ نڤیسینگەها لالش بێبان(سیروان بۆزانی) بۆ رۆژناما دەنگێ لالش راگەهاند،ئەڤ گوندە یێ مەغدورە ژ خزمەتگۆزاریان وەكو گوندێن دیتر،ژئالیێ پەروەردێ ڤەبتر ژ هەزار قوتابیان و سێ ئاڤاهی هەنە چار قوتابخانە تێدا دەوامێ دكن دوو قوتابخانە دوو دەوامی نە و بتر ژ چل قوتابیان دناڤ گەلەك پۆلان دانە،لەورا پێتڤی ب ئاڤاكرنا دوو قوتابخانێن دی هەیە،هەروەسا وەكو خزمەتگۆزاری تۆرا ئاڤا گوندی ل سالێن هەشتیان هاتیە دانان و ڤێ گاڤێ گوند مەزن بوویە وپێتڤی چێكرن وسەخبێركرن وبەرفرەهكرنێ هەیە،هەروەسا زۆربەیا كۆلانێن گوندی ئاخن ونەهاتینە كۆنكریت و تێكەلكرن.
بۆزانی دا زانین ژی ژئالیێ تەندروستی ڤە بنگەهەكێ ساخلەمیێ ل گوندی هەیە،لێ هەتا نهۆ میلاك نینە،خەلكێ گوندی پێتڤی ب نۆژدارێن تایبەتمەند و ئامیرێن تاقیگەهێ هەیە.
تُتاح هذه الصورة أيضا في: کوردی