گەنجێ رێیا مرنێ ههلبژارتی هاته خهلاتكرن
تۆرا لالش:
وەکو وەفادارى هەمبەر قارەمانیا گەنجێ چاڤنەترس “فههمى فرمان خدر” و هەڤدەم دگەل رۆژا قەستکرنا وی بۆ چیایێ شنگال،بنگەهێ لالش تایێ باعەدرێ خەلاتێ رێزلێنانێ پێ بەخشی وەك کێمترین ئەرك هەمبەر دلسۆزیا وی پێخەمەت ئۆلا باب و کالان.
د رۆژەکا وەکا ئیرۆ دا بەری هەفت سالان و ب تایبەت ل(17/ 8 / 2014)ێ گەنج و چاڤنەترسەکێ خەلکێ ناحیا باعەدرێ بناڤێ (فههمى فرمان خدر) د گەرماتییا شەر و فرمانا داعشێ بۆ سەر قەزا شنگال و د رۆژێن تەنگاڤ و دۆرپێچکرنێ دا قەستا کەلها خۆڕاگریێ کر ل وارگەهێ عەگید و مێرخاسا و لسەر کەڤنە شۆپا قارەمان و بەرخودێرێن چیایێ شنگال ڤە چوو پێخەمەت بەرەڤانی ژ ئاخ و ئۆلەکا شرین.
بۆ زانين ناڤبری پشکداری ل شەرێن دژی داعشێ بوویە ل چیایێ شنگالێ و هەم وەك پەرستارەك ژی ب کارێن مرۆڤایەتی ژی رابوویە د چارەسەرکرنا نەخۆشان دا ل تەنگاڤی و دۆرپێچا ئێزدیان ل سەرێ چيايى.
تُتاح هذه الصورة أيضا في: کوردی