پهیڤدارێ وهزارهتێ: كارهبا نشتیمانی دێ بیته 24 دهمژمێری
ئهڤرۆ:
پهیڤدارێ وهزارهتا كارهبا ههرێما كوردستانێ ئاشكرا كر، كارهبا نشتیمانی 24 دهمژمێران بۆ وهلاتیان دێ هێته دابینكرن و موهلیدێن تاخان دێ هێنه راكرن.
ئومێد ئهحمهد، پهیڤدارێ وهزارهتا كارهبێ ل حوكمهتا ههرێما كوردستانێ دیار كر كو گرێدانا پیڤهرێن زیرهكێن كارهبێ نوكه د قووناغێن دووماهیێ دایه و دبێژیت: دبیت ئهڤ ساله یان مهها ئێك یا سالا بهێت پرۆژه ب دووماهی بهێت، دیسا ههموو ئهو جهێن ئاریشێن تهكنیكی ههین دێ هێنه چارهسهركرن و د پلانا وهزارهتا كارهبێ دایه كارهبا نشتیمانی 24 دهمژمێران ههبیت و ئێدی وهلاتی پێدڤی كارهبا موهلیدان نهبن.
ئومێد ئهحمهد گۆت: ههتا ههموو پیڤهرێن زیرهكێن كارهبێ ل سهرانسهری ههرێما كوردستانێ بهێنه گرێدان و پرۆژه ب تهمانی بكهڤیته كاری، ژ نوو موهلیدێن تاخان دێ هێنه راكرن، لهو رهنگه راكرنا موهلیدان بچیته د سالا بهێت دا.
پهیڤدارێ وهزارهتا كارهبا حوكمهتا ههرێما كوردستانێ ئاماژه ب وێ چهندێ ژی كر كو د نوكه دا 16 دهمژمێران كارهبا نشتیمانی بۆ وهلاتیان دهێتهدان و ئاستێ بهرههمئینانا كارهبێ ژی سێ هزار و 600 مێگاواتن.
تُتاح هذه الصورة أيضا في: کوردی