ههفتیا بهێت سهرۆكێ فرهنسا دێ سهرهدانا ههرێما كوردستانێ كهت
گاڤ نیوز
ل ههفتیا بهێت سهرۆك كۆمارێ فرهنسا دێ سهرهدانا ههرێما كوردستانێ كهت و بڕیاره دگهل سهرۆك بارزانى و بهرپرسێن ههرێمێ كۆم ببیت و رێزێ ژى ل قوربانیدانا پێشمهرگهى بگریت.
ل گۆرهى ئاژانسا فرانس پرێس ئیمانوئێل ماكرۆن سهرۆك كۆمارێ فرهنسا ل رۆژێن 27 تا 29 ڤێ ههیڤێ دێ سهرهدانا ههرێما كوردستانی كهت.
بڕیاره گۆپیتكا وهلاتێن جیرانێن ئیراقێ ل 28 ى ڤێ ههیڤێ ل بهغدا پایتهخت بهێته گرێدان و ژبلى سهركردهیێن ئیراقێ بڕیاره ئیمانوئێل ماكرۆن دگهل ههر ئێك ژ سهرۆك كۆمارێ مسرێ عهبدولفهتاح سیسى و شاهێ ئوردنێ شاهـ عهبدولایێ دووێ ژى كۆم ببیت.
بڕیاره ل 29ى ڤێ ههیڤێ ماكرۆن سهرهدانا ههرێما كوردستانێ ژى بكهت و پاشى سهرهدانا پارێزگهها نهینهوا و ههر ئێك ژ دێرا ساعه و مزگهفتا نورى ل مووسلێ بكهت.
د سهرهدانا خۆ دا بۆ ههرێما كوردستانێ ماكرۆن دێ دگهل سهرۆك بارزانى كۆم بیت و باس بهرهنگاربوونا تیرۆرێ و رۆلێ پێشمهرگهى هێته كرن و رێزێ ل قههرهمانیا پێشمهرگهى گریت.
تُتاح هذه الصورة أيضا في: کوردی