102 قوتابیێن سهركهفتی ل كۆمهلگهها شاریا هاتنه خهلاتكرن
تۆرا لالش/شاريا
لژێر چاڤدێریا بەرێزشێخ شامۆ شێخۆ راوێژكارێ سهرۆكوهزیران بۆ كاروبارێ ئێزدیان و سەرۆکێ دەستەیا بلندا بنگەهێ لالش ل هۆلا لالش ئێك، بنگەهێ لالش تایێ شاریا ب هەماههنگی دگەل لیژنا ناوچا فەیدیێ یا پارتی دیموکراتی کوردستان وەك نەریتەکێ سالانە و رێزگرتن بۆ قوتابیێن سەرکەفیێن ئێکێ،رابوون ب رێورەسمێن خەلاتکرنا ١٠٢ قوتابیێن سەرکەفتیێن ئێکێ ودووێ وسیێ لسەر ئاستێ پۆلان ل قوتابخانێن کۆمەلگەها شاریا.
ب ئامادەبوونا فاروق یوسف بەرپرسێ لیژنا ناوچا فەیدیێ یا پارتى دیموکراتی کوردستان و ههدیە موراد حهیدهر ئەنداما پەرلەمانێ کوردستانێ و بێریڤان سهلیم شهمۆ جێگرا سەرۆکێ جڤاتا پارێزگەها دهۆکێ و حهسهن چلبی رێڤەبەرێ پەروەردا سێمێلێ و هەژماڕەکا زۆرا نوونەرێن دام ودەزگەهێن میری و حزبی و رێکخراوێن جڤاکا مەدنی و موختار و ریهسپی و مامۆستا و رەوشەنبیر و سەمیانێن قوتابیان ل کۆمەلگەها شاریا رێورهسمێن خهلاتكرنا 102قوتابيان هاتنه گێران.
پشتی ماوەیەك راوەستیان وەك رێزگرتن بۆ گیانێ پاکێ جانگۆریێن کوردستانێ و ئێزديخانێ، ل دەسپێکێ پەیڤا بخێر هاتنێ ژلایێ دلگهش سهلیم بەرپرسێ بنگەهی لالش تايێ شاریا هاتە خووندن و تێدا بخێرهاتنا مێهڤانێن هێژا و قوتابی و سەمیانێن وان کر،لدووڤدا پەیڤەك هاتە خووندن ژلایێ بەرێز شێخ شامۆ و تێدا بخێر هاتنا هەموو مێهڤانان کر و دەستخۆشی ل قوتابیێن سەرکەفتی کر و داخوازا سەرکەفتنێ و پاشەرۆژەك گەش بۆ هەموو قوتابیان خواست و ژلایەكێ دن ڤه بەحس ل گرنگیا هەلبژارتنێن ئەنجومەنێ نوونەرێن عێراقێ کر و ژ ئامادەبوويان خواست کو هەموو بچنە سەر سندۆقێن دەنگدانێ و دەنگ بدەنە بەربژێرێن پارتی ل بازنێ زاخۆ و سێمێلێ، لدووڤدا پهيڤهك ژلایێ فاروق یوسف بەرپرسێ لیژنا ناوچا فەیديێ یا پارتى ڤه هاته خووندن و دیارکر کو ئەو ب خەلکێ شاریا و قوتابیێن وێ سەربلندن و داخواز ژ ئامادەبوویان کر دەنگێ خۆ بدەن بەربژێرێن پارتی ل بازنێ ناڤبرى، هەروەساحهسهن چلبی رێڤەبەرێ پەروەردا قەزا سێمێلێ پهيڤهك پێشكێشكرو دەستخۆشی و پیرۆزباهی ل قوتابیێن سەرکەفتی کر و دیارکر کو هەردەم قوتابیێن شاریا نموونێن سەرکەفتنێ بووینە لسەر ئاستێ پەروەردا ناڤبری و هەرێمێ.
د پەنەلەکێ دن یێن چالاکیێ دا پانۆراما بزاڤ و چالاکیێن بنگەهێ لالش ب رێیا پارچە ڤیدیۆیەکێ هاتە نمایشکرن بۆ ئامادەبوویان.
و ل داویێ ژی هەر 102 قوتابیێن سەرکەفتی ب باوەرنامێن رێزلێنانێ و دیاریێن تایبەت یێن بنگەهێ لالش هاتنە خەلاتکرن و هەژی گۆتنێ یە کو خەلاتەك تایبەت ژلایێ بەرێزشێخ شامۆ هاتبوو بەرهەڤکرن بۆ قوتابی لارا عاسم قوال قوتابیا ئامادەیا شاریا،ژبەر ب دەستڤەئینانا پلا دووێ لسەر ئاستێ هەرێما کوردستانێ ل پۆلا دوازدێ زانستی دگەل پێشکێشکرنا خەلاتێ خاتون ههدیە ئەنداما پەرلەمانێ کوردستانێ و خاتوون بێریڤان جێگرا سەرۆکێ جڤاتا پارێزگەها دهۆکێ بۆ هەمان قوتابی.
تُتاح هذه الصورة أيضا في: کوردی