هشيار زێبارى: پارتى شهرعيهتا خۆ ل كهركووك و شنگالێ ڤهگهڕاند
گاڤ نيوز
لژنهيا بلندا ههلبژارتنان يا پارتى ديمۆكراتى كوردستان كۆنگرهيهكێ رۆژنامهڤانى سازكر و راگههاند، ئهگهر بهرنامهيێ پارتى دانايى دروست هاتبا بجهـ ئينان پارتى دا زێدهتر كورسيان ئينيت و دوپاتكر، ئهو نوكه ل گهل ئاليێن سياسى يێن ههرێم و ئيراقێ د دانوستاندنێن دهستپێكى دانه بۆ پێكئينانا حكومهتا بهێت.
هشيار زێبارى، ئهندامێ مهكتهبا سياسى يا پارتى د كۆنگرهيهكێ رۆژنامهڤانى دا راگههاند، پارتى كێم ئاخفت و گهلهك كورسى ب دهستخستن و يا پارتى ب دهستخستى گهلهك باشه، لێ ئهگهر بهرنامه ب دروستى هاتبا بجهـ ئينان دێ پارتى هێشتا كورسى بربان.
ههروهسا گۆت ژى: ههر ژ دوهى دهست ب پهيوهنديان هاتيه كرن ل سهر ئاستێ ئاليێن سهركهفتى يێن ئيراقى و ئاشكراكر، ستراتيژيهت و ئارمانجا پارتى ب دهست خستنا كورسيان بوو، ههروهسا پهنا بۆ شهڕێن راگههاندنێ نههاته برن و پارتى خۆ دويركر ژ شهڕێ راگههاندنێ و بهرسڤدانا ئاليێن دى، ل دهمهكى پارتى بهرسڤ بۆ وان ئاليان ههبوون لێ پارتى نهدڤيا بهرسڤێ بدهت و ئهنجامان ئهڤ راستيه سهلماند.
هشيار زێبارى ههروهسا دوپاتكر، دهمێ بهێت گرنگه بۆ پێكئينانا ههڤپهيمانيان و ب كريار كارى دهست پێ كريه د ناڤا ئاليێن سياسى دا و دهم پێدڤى يه و ڤالاهيهكا حكومى دێ دروست بيت ئهگهر كار بۆ زوى پێكئينانا حكومهتا بهێت نههێتهكرن.
لژنهيا بلندا ههلبژارتنێن پارتى رادگههينيت، پێكئينانا حكومهتا بهێت دێ زوى بيت چونكى ئاليێن سهركهفتى دكێمن و ئاشكراكر بۆ ڤێ مهرهمێ ژى پارتى ل گهل هێزێن كوردستانى و هێزێن ئيراقى ژى د دانوستاندنان دايه.
ئهندامێ مهكتهبا سياسى يا پارتى گۆت ژى: مللهتى ئهو ئالى سزادان يێن دژاتيا ههرێما خۆ دكر و پارتى دهستكهفتهكێ مهزن ب دهستخست ئهنجامهكێ باش ل وان جهێن پارتى لێ هاتيه مهحهروومكرن ئينا و پارتى دوباره خۆ ل وێرێ ئيزبات كرهڤه و شهرعيهتا خۆ يا ههيى ل كهركووك و شنگالێ ڤهگهڕاند.
تُتاح هذه الصورة أيضا في: کوردی