ئاوارێن شنگال دخوازن كار بۆ ئاساییكرنا رەوشا دەڤەرا شنگالێ بێتە كرن
تۆرا لالش:
هەفت سال بسەر جینۆسایدا ئێزدیان و ئاوارەبوونا خەلكێ شنگالێ دا دەربازد بن و هێشتا ب هەزاران ئاوارە ل ناڤا كەمپان دا ل پارێزگەها دهۆكێ دژین،داخوازیا ئاوارەیان ئەوە ئێدی ژ ڤێ رەوشا پەریشان قورتال ببن و كار بۆ ئاساییكرنا رەوشا دەڤەرا شنگالێ بێتە كرن.
ئەڤین عەلی،كچەكا ئاوارەیا خەلكا شنگالێ یە بۆ دەنگێ لالش دیاركر،ئەڤە هەفت سال بسەر ئاوارەبوونا خەلكێ شنگالێ دا دەربازبوون و هێشتا ل ژیانا ئاوارەیێ دا دژین و دنالن،ب تایبەت تەخا گەنجان ژبەر بێكاریێ و رەوشا ب زەحمەت ل كەمپان دا تووشی نەخۆشیێن دەروونی و بێ ئۆمێدیێ بووینە،ئەم داخوازێ ژ رێكخراوێن جڤاكا سڤیل و لایەنێن پەیوەندیدار دكەین چارەیەكێ بۆ رەوشا ئاوارەیان ببینن داكو ڤەگەرنا سەر جی و وارێن خۆڤە و دەست ب ژیانا خۆ یا ئاسایی بكن.
هەروەسا بەسام حەجی گەنجەكێ ئاوارەیێ شنگالێ یە ل كەمپا شێخان بۆ دەنگێ لالش گۆت:ل وەرزێ زڤستانێ ل رەوشەكا سەخت و دژوار دا دژین ژبەر بارینا بارانێ و سەرمایێ و سۆتنا خیڤەتان،جیێ داخێ یە هێشتا ترومبێلێن ئاگر ڤەمراندنێ بۆ كەمپان نەهاتینە دابینكرن،هیڤیدارن كار بۆ ئاساییكرنا رەوشا دەڤەرا شنگالێ بێتە كرن و ژڤێ رەوشا پەریشان قورتال ببین،ژبەركو بێ ئۆمێد و راستی نەخۆشیێن دەروونی بووینە.
ل رۆژا 3/8/2014رێكخراوا تیرۆرستیا داعش هێرشی قەزا شنگالێ كر و ب هەزاران وەلاتیێن ئێزدی هاتنە كوشتن و گرتن و دەربەدەرو ئاوارەبوون.
تُتاح هذه الصورة أيضا في: کوردی