بنگەهێ لالش تايێ باعەدرێ رۆژا ئالایێ کوردستانێ ساخکر
تۆرا لالش:
ئيرۆ پێنج شهمبوويێ 16/12/2021ێ ب هەلکەفتا سالرۆژا ئالایا کوردستانێ یاکو سالانە دکەفتە (17 /12) و ژبال پەرلەمانێ کوردستانێ هاتی پەسەندکرن و ب مەرەما پیرۆز راگرتنا ڤێ رۆژێ ، بنگەهێ لالش تایێ باعەدرێ سەرەدانا هەموو دام و دەزگەهێن میری و حزبی ل سەنتەرێ ناحیا باعەدرێ کر.
دسەرەدانێ دا بەڕێز خهلات باعەدری بەرپرسێ بنگەهێ لالش باعەدرێ و ئەندامێن دەستەکا رێڤەبەر رۆژا ئالایا کوردستانێ ل تەڤایا دام و دەزگەهێن ناڤبری پیرۆز کر و داخوازا سەرکەفتنێ و سەرفهرازیێ بۆ وان و تەڤایا گەلێ کوردستانێ خواست دبن سیبەرا ڤێ ئالایا هەردەم بەرز ل ئاسمانێ کوردستانێ،پاشى بنگەهێ لالش رابوو بەلاڤکرن و پێشکێشکرنا ئالایا پیرۆزا کوردستانێ بسەر هەموو دام و دەزگەهێن میری و حزبی.
ژلایێ خۆڤە تەڤایا دام و دەزگەهێن ناڤبری سوپاسی و خۆشحالیا خۆ دەربڕین بۆ ڤێ چالاکیا بنگەهێ لالشتايێ باعەدرێ.
هەژی گۆتنێ یە ژبەر ڤێ رۆژا گرنگ ل سەرتاسەری کوردستانێ، بنگەهێ لالش تایێ باعەدرێ سالانە وەک ئەرکەک رادبت بڤێ یادا پیرۆزا نیشمانی.
تُتاح هذه الصورة أيضا في: کوردی