ئهنجامێن هەلبژارتنا لسەر ئاگرەکێ رحەت د کەلن یان دێ بنی ڤە سۆژن
خالد ئهحمهد
_ پتر دوو هەیڤ بورین ل سەر باشترین و رێکخستی ترین هەلبژارتن ل دیروکا ئیراقێ دا هاتین ب رێڤەبرن و ئەنجام هاتین راگەهاندن و هێشتا پەسند کرن ل لێڤەگرێن دادوەری دا د هەلاویستی نە .
_ گیرو کرنا پەسند کرنا ئەنجاما ژ فشارێن سیاسی ب رێکا تانێن لایەنێن چەکدار و ب باندورن ل سەر دادگەهێ یە .
_ هەلبژارتنێن پێشوەخت ژ فشارا جادێ و ب پشتەڤانیا نیڤ دەولی هات ئەنجام دان ، یاسا و دەم نە داخازا لایەنێن نەرازی بون و نەشیان رێکێ ل ئەنجام دانا هەلبژارتنا بگرن و نها دڤێت داری بێخنە د خرخالا ئەنجاما دا .
_ باوەرا من هەتا پشتی سەرێ سالێ ، ئەنجام ناهێن پەسند کرن ، ب خوە ڤەکێشانا هێزێن شەرکەرێن امریکا هەتا سەرێ سالێ ، دێ فاکتەر و رولێ نیڤ دەولەتی ل سەر پشتەڤانیکرنا پروسا سیاسی و دیموکراتی ل ئیراقێ دا دێ لاواز بیتن .
_ پشتی سەرێ سالێ لایەنێن شیعە یێن نەرازی دێ فشارا خوە بوو هەلوەشاندنا ئەنجاما خورتر لێکەن .
_ د گوتارا سەرکردێن شیعە د هەلبژارتنا دا ، تایبەت یێن نەرازی دیار بوو کوو هەمی شکەستنا دەولەتا نوی یائیراقی د بیست سالێن بوری دا د خستە ستوکرا پروسا سیاسی یا (داگیر کەری) دگەل خوە ئینای .
_ ئەم ل دەرازینکا 2023 داینە کو سەد سالیا رێکەفتنا لوزان ب دوماهیک د هێت و هەمبەری گورانکاریێن مەزن داینە ل ئیراقێ دا ، پروسا سیاسی ل دوڕیانێ دا راوەستایە ، پشتی سەرێ سالێ دێ مە گول گوتارێن جودا بیتن ژ یێن نوکە ؟!.
_ وەک 2003 ێ ، نوکە هەرێما کوردستانێ پێتڤی ب رێکەفتنێ هەیە ، تایبەت پارتی و یەکێتی بۆ پاراستنا دەستکەفتێن ژ ئەنجامێ رێکەفتنا مام جلال و کاک مسعود هاتینە دەست ..
تُتاح هذه الصورة أيضا في: کوردی