پارتى: ده‌نگێن پێدڤى بۆ كانديدێ مه هاتينه مسۆگه‌ركرن
گاڤ نیوز
پشتى شاندا دانوستاندكارا پارتى چوويه به‌غدا و كۆمبوون ل گه‌ل گه‌له‌ك ئاليیێن سياسى كرين، ئه‌ندامه‌كێ وى شاندى ئه‌و كۆمبوونه ب ئه‌رێنى وه‌سفكرن و فراكسيۆنا پارتى ل په‌رله‌مانێ ئيراقێ دياردكه‌ت، ده‌نگێن پێدڤى بۆ كانديدێ پارتى هاتينه مسۆگه‌ركرن.
ڤيان ده‌خيل، په‌يڤدارا فراكسيۆنا پارتى ل په‌رله‌مانێ ئيراقێ بۆ ميديا فه‌رمى يا پارتى ئاشكه‌را كر: پارتى هه‌مى به‌رهه‌ڤى بۆ كۆمبوونا هه‌لبژارتنا سه‌رۆكۆمارێ ئيراقێ كرينه و لێكتێگه‌هشتن د ناڤبه‌را پارتى و ئالیيێن ئيراقى دا هه‌نه، سه‌ركه‌فتنا كانديدێ پارتى بۆ سه‌رۆككۆماريێ مسۆگه‌ره، ژ به‌ركو رێژه‌يا ياسايى يا ئه‌ندام په‌رله‌مانان هه‌نه بۆ وێ چه‌ندێ ده‌نگى ب كانديدێ پارتى بده‌ن.
ژ لايێ خۆ ڤه رێناس جانۆ ئه‌ندامێ شاندا دانوستاندكارا پارتى ل به‌غدا هه‌ر بۆ ميديا فه‌رمى يا پارتى ئاشكه‌را كر: دانوستاندنێن وان بۆ پۆستێ سه‌رۆككۆمارى به‌رده‌وامن و ئه‌و دانوستاندنه ب باشى ب رێڤه‌دچن، سونه و شيعه ژى پشتگيريێ ل كانديدێ پارتى دكه‌ن بۆ وه‌رگرتنا وى پۆستى.
تُتاح هذه الصورة أيضا في: کوردی
