خه‌ميس خه‌نجه‌ر: سەدری دەستپێشخەرییا بارزانی قەبیل کر
گاڤ نیوز
پشتى كۆمبوونا ئه‌ڤرۆ يا ل گه‌ل موقته‌دا سه‌درى، سەرۆکێ هه‌ڤپه‌يمانيا سه‌روه‌رى، خه‌ميس خه‌نجه‌رى رۆلێ سەرۆک بارزانى بۆ رێكخستنا ناڤمالا شيعه‌يان وه‌ك رزگارکەرێ ئيراقێ وه‌سفكر و راگەهاند: سەدر ل سەر دەستپێشخەرییا بارزانی رازیبوو.
خه‌ميس خه‌نجه‌ر، سەرۆکێ هەڤپەیمانیا سەروەری د تويته‌كێ دا ئاشكه‌را كر: پتريا ده‌ستپێشخه‌ريێن ده‌ليڤه‌يێن به‌رته‌نگ ژ هه‌ولێرا دلۆڤان و ژ لایێ سه‌رۆك بارزانى دهێن، وه‌ك چه‌وا ل سالا 2010ێ وه‌لات ژ كێشه‌يه‌كا سياسى يا به‌رته‌نگ رزگاركر، ئه‌ڤرۆ هه‌مان سيناريۆ دوباره‌بوو.
ناڤبرى هه‌روه‌سا سوپاسيا موقته‌دا سه‌در رابه‌رێ ره‌وتا سه‌در كر به‌رانبه‌رى رازيبوونا وى ل سه‌ر ده‌ستپێشخه‌ريێ و ب برياره‌كا نشتيمانى پێخه‌مه‌تى پاراستنا ئێكرێزى و سه‌قامگيريا ئيراقێ ناڤ کر.
تُتاح هذه الصورة أيضا في: کوردی
