سهرۆك نێچیرڤان بارزانى: دڤێت كێشهیێن ههرێم و بهغدا ل سهر بنهمایێ دهستوورى بهێنه چارهكرن
گاڤ نیوز
سهرۆكێ ههرێما كوردستانێ ل گهل بالیۆزێ فرهنسا ل ئیراقێ دوپاتى ل خواستا ههرێمێ بۆ چارهكرنا كێشهیێن ل گهل حكومهتا ئیراقێ ب رێكا دانوستاندنان ل سهر بنهمایێ دهستوورى كر.د دیدارهكێ دا ئهڤرۆ نێچیرڤان بارزانى، سهرۆكێ ههرێما كوردستانێ و ئێریك شۆڤالیێ، بالیۆزێ فهرهنسا ل ئیراقێ پهیوهندیێن فهرهنسا ل گهل ئیراق و ههرێما كوردستانێ و دهلیڤهیێن بهردهوامیدان ب هاریكاریا ههڤپشك بهحس كرن.
نێچیرڤان بارزانى رۆلێ فرهنسا و گرنگیدانا وێ ب ئیراق و ههرێما كوردستانێ دوپاتكر ب تایبهت ژى د چارچۆڤێ ههڤپهیمانیا نێڤدهولهتى یا دژى داعشێ دا ههروهسا خواستا ههرێمێ بۆ چارهكرنا كێشهیێن ل گهل حكومهتا ئیراقێ ب رێكا دانوستاندنان ل سهر بنهمایێ دهستوورى دوپاتكر.
مهترسیین داعشێ و زێدهبوونا كریارێن تیرۆرستان ل ئیراق و سووریا ب گهفهكا جدى ل سهر ئاستى و سهقامگیریێ ناڤكر، تێدا ههردو ئالیان دوپاتى ل پێدڤیا ههماههنگی و ههڤكاریێ د ناڤبهرا ههولێر و بهغدایێ و پشتهڤانیا كۆمهلگهها نێڤدهولهتى بۆ سهرههلنهدانا داعشێ كر.
رهوشا ئێزدیان و ئهو ئاستهنگێن د كهڤنه همبهر ئاڤاكرنا شنگالێ، قهیرانا سیاسى ل ئیراقێ پشتى ههلبژارتنان، بڕیارێن دادگهها بلندا فیدرال، رهوشا ناڤخۆ و گرنگیا ئێكرێزی و ئێكههلوهستیا ئالیێن سیاسى، رهوشا سووریا و دوماهى پێشهاتێن شهڕێ ئۆكراینا تهوهرێن دى یێن كۆمبوونێ بوون.
تُتاح هذه الصورة أيضا في: کوردی