وەزارەتا داد یا هەرێمێ: حکومەتا فیدرال دەستوور بنپێ کریە
گاڤ نیوز
وەزارەتا داد یا هەرێما کوردستانێ ئەڤرۆ راگەهاند: بەغدا دەستکاری د یاسایا نەفت و غازێ دا کریە و ئەڤە کارەکێ نەدەستووری یە.
فەرسەت ئەحمەد، وەزیرێ داد یێ حکومەتا هەرێما کوردستانێ ئەڤرۆ راگەهاند: ل سالا 2007ێ حکومەتا هەرێما کوردستانێ و حکومەتا فیدرال پرۆژەیاسایەک بۆ یاسایا نەفت و غازێ ئامادە کربوو و ئەو پرۆژە پێشکێشی جڤاتا شوورایێ یا ئیراقێ کربوو. ل وی دەمی کارێ جڤاتا شوورایێ ئەو بوو کو بتنێ ژ لایێ دارشتنێ ڤە بەرێ خۆ بدەتە پرۆژەیاسایێ و دەستکاریکرن د ناڤەرۆکا بابەتی یا پرۆژەیاسایێ دا ژ دەستهەلاتا جڤاتا شوورایێ نینە.
هەروەسا دیار کر: ل وی دەمی جڤاتا شوورایێ شارەزایێن وەزارەتا پەترۆلا ئیراقێ گازی کرینە، بێی کو شارەزایێن حکومەتا هەرێما کوردستانێ گازی بکەت و ب رێژەیا نێزیکی 30٪ دەستکاری د ناڤەرۆکا پرۆژەیاسایێ دا کریە و ئەڤە دبیتە بنپێکاریا ماددەیا 112 یا دەستوورێ ئیراقێ، ژبەر کو ل گۆرەی وێ ماددەیێ ستراتیژیەتا نەفت و غازێ د ناڤبەرا حکومەتا فیدرال و حکومەتا هەرێمێ دا ب هەڤپشکی دهێتە بڕێڤەبرن.
تُتاح هذه الصورة أيضا في: کوردی